Матфей 6:13 - Наа Молҷағ

¹³ Пісті хыҷыхтаныстарнаң сыныхтаба, че чабалдаң арачыла. Синің хан-ӱлгӱң дее, кӱзің дее, Сабланызың даа пар Паза хаҷан даа полар нооза. Аминь.

Матфей 6:13 ပူးပေါင်းရင်းမြစ်များ

Матфей 26:41

Хыҷыхха пастырбас ӱчӱн, узубаңар, пазырыңар. Кізі кӧңні кӱстіг, че ит-сӧӧгі порт.

Матфей 5:37

Сӧстерің «Йа» алай «Чох» ползын. Аннаң артых чоохтанғаны сайтаннаң. –

Матфей 6:10

Синің хан-ӱлгӱң пеер килзін. Чир ӱстӱнде дее, тигірдегӧк чіли, Синің кӧңніңҷе прай ниме ползын.

Иоанн 17:15

Оларны чир-чалбахтаң алып аларыңнаңар нимес, че хомай киректердең хайраллап аларыңнаңар сурынчам.

1 Коринфтегілерге 10:13

Сірерні сынапчатхан ноо даа хыҷыхтаныс ол олаңай ла, кізі хыҷыхтанызы полча. Худай, тізең, киртістіг, ол сірерге сыдап полбас хыҷыхтанысты ыспас. Хыҷыхтаныста сірерге аны сыдас парыбызар кӱс пирер. Іди Ол сірерге полыс полар.

1 Коринфтегілерге 14:16

Син Хут пастыра алғапчатсаң, тоғыртын кірген кізі синің алғапчатханыңа, «аминь» хайди тіп алзын. Син ниме чоохтанчатханыңны ол оңарбас нооза.

2 Коринфтегілерге 1:20

Худайның прай молҷағлары, Христоста толдырыл парып, «йа» паза «аминь» пол парғаннар. Анзы Худай пістің пастыра саблан парар ӱчӱн полған.

Галат чиріндегілерге 1:4

Худай Пабабыстың кӧңні хоостыра Иисус Христос, пісті пу чабал тустардаң осхырарға тіп, пістің чазыхтарыбыс ӱчӱн Позының чуртазын пир салған нооза.

1 Фессалониктегілерге 1:10

Олар ідӧк чоохтааннар, хайди сірер Худай Оолғының Иисус Христостың тигірдең килерін сағыпчазар. Аны Худай ӧлімнең тірілдірген. Ол, тізең, пісті полар чарғының хорғызынаң арачылаан.

2 Фессалониктегілерге 3:3

Хан-пигібіс, тізең, киртістіг. Ол сірерні киртіністе пик турғызар паза сайтаннаң арачылир.

1 Тимофейге 1:17

Прай чылларның Ханына, ӧлім пілбес, кӧрінмес, чалғыс, прайзынаң хыйға Худайға хаҷан даа сабланыс паза аарлас ползын, аминь.

Еврейлерге 11:36

Паза пасхаларын, иреелеп, соғып, палғап, харибге одыртчаңнар.

1 Петрның 5:8

Китеніңер, сизіктіг полыңар. Ыырҷыңар, сайтан, ыыран чӧрчеткен ала парыс чіли, кемні чібізерін тілеп чӧрче.

2 Петрның 2:9

Пу кирек Худайны улуғлапчатхан кізілерні Хан Худай хыҷыхтаныстаң арачылирға пілчеткенін кӧзітче. Ол, хомай кізілерні хатығлап, чарғы кӱніне хайди ағыларын даа пілче.

1 Иоанның 3:8

Иң пурунғыдаң пеер сайтан чазых итче, аннаңар чазых итчеткен дее кізі сайтанның кізізі полча. Худай Оолғы сайтанның киректерін чох идерге килген.

Азых чоох 1:18

Мин тірігбін! Мин ӧліг полғам, амды, тізең, хаҷан даа тірігбін. Аминь. Минде чир тӱбінің паза ӧлімнің клӱстері пар.

Азых чоох 19:1

Аның соонда мин тигірде уғаа кӧп чонның хысхырчатханына тӧӧй ӧтіг ӱнні ис салғам: – Хан Худайыбыстың чарғылары орта паза сын полчатханнаңар, Аллилуй! Ағаа арачыланыс, сабланыс, аарлас паза кӱс ползын. Ол чир ӱстӱн чӧреечі хылығынаң ардатхан уғаа чӧреечі ипчіні – саарны – чарғылаан. Худай Позының нымысчыларының ханы ӱчӱн аннаң ӧс алған.

Азых чоох 19:4

Андада чибіргі тӧрт ах сағал паза тӧрт аң, тӱңдере тӱзіп, ӱлгӱ сіреезінде одырчатхан Худайға пазырғаннар: – Аминь! Аллилуй!

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

Азых чоох 21:4

Худай оларның полған на харах чазын чызыбызар. Алындағы прай нимелер ирт парғаннаңар, ӧлім дее, ылғас таа, сыхтас таа паза ағырығлар даа чох пол парарлар.

Азых чоох 3:10

Сыдамах полыңар тіп пирген чахиимны хайраллааныңар ӱчӱн, Мин дее сірерні сидік сыныхтағ тузынаң хайраллирбын. Ол сыныхтағ, чир ӱстӱндегі чоннарны сыныхтирға тіп, прай тилекейге ызылар.

Азых чоох 3:14

«Лаодиктегі тигірибнің ангеліне пас пир: Ады Аминь полчатхан орта паза сын Киречі, Худай чайаан нимелернің Пазы піди чоохтапча:

Азых чоох 5:13

Анаң мин тигірдегі, чир ӱстӱндегі, чир алтындағы паза талайдағы прай тіріг нимелернің хысхырысчатханнарын ис салғам: – Ӱлгӱ сіреезінде одырчатхан Худайға паза Хурағанға алғас, аарлас, сабланыс паза ӱлгӱ хаҷан даа ползын!