Матфей 6:12 - Наа Молҷағ

¹² Піс алым тӧлебееннернің пыроларын хайди тастапчабыс, Пістің дее пыроларыбысты іди таста.

Матфей 6:12 ပူးပေါင်းရင်းမြစ်များ

Матфей 26:28

Пу Наа Молҷағны таныхтапчатхан ханым. Ол кӧп кізілернің чазыхтарын позыдар ӱчӱн тӧгілче.

Матфей 9:2

Нинҷе-де кізі Аныңзар чӱллері пос кізіні тӧзегінең хадох ағыл килген. Иисус, оларның андағ киртіністерін кӧріп, ағырчатхан кізее теен: – Ӧрін, оол! Синің чазыхтарың позыдылчалар!

Марк 11:25

Худайға пазырчатса, тізең, піреезіне тарынған ползаңар, пурнада аның пырозын тастаңар. Андада Тигірдегі Пабаңар даа сірерге чазыхтарыңны позыдар.

Лука 11:4

Піс алымнығ алай пыролығ кізілернің пыроларын тастапчатхан чіли, Пістің дее пыроларыбысты ідӧк таста. Пісті хыҷыхтаныстарнаң сыныхтаба, че чабалдаң арачыла.

Лука 13:4

Алай Силоам башня тӱскенде, анда чоо пастыртхан он сигіс кізінің пырозы Иерусалимде чуртапчатхан пасха кізілердинең кӧп полған тіп, сағынчазар ба?

Лука 6:37

Чарғылабаңар, сірерні дее Худай чарғылабас, пыролабаңар, Худай даа сірерні пыролабас; пыроларын тастаңар, Худай даа пыроңарны тастир.

Илҷілернің 13:38

Харындастар, сірер пілерге кирексер, Иисустаң пастыра сірерге чазых позыдары искірілче.

Ефестегілерге 1:7

Худай паарсасха пай, аннаңар Ол, Христостың пастыра, Аның ханынаң пісті пос ит салған паза чазыхтарыбысты позытхан.

Ефестегілерге 4:32

Хайди Худай, Иисус Христосха киртінгеннерің ӱчӱн, сірернің чазыхтарыңны позытхан, сірер дее ідӧк удур-тӧдір паарсазыңар, айазыңар паза пыроларыңны тастас турыңар.

Колоссадағыларға 3:13

Пірее кізінің піреезіне хоп полза, удур-тӧдір тыстанызыңар. Христос сірерге хайди пыро тастаан, сірер дее ідӧк идіңер.