Матфей 5:9 - Наа Молҷағ

⁹ Часкалығлар амыр хоных ӱчӱн тоғынчатханнар, олар Худай палалары адаларлар!

Матфей 5:9 ပူးပေါင်းရင်းမြစ်များ

Матфей 5:45

Андада ла сірер Тигірдегі Пабаның ооллары пол парарзар. Ол Позының кӱніне, хомай даа, чахсы даа кізілерге чарыт тур тіп, чахығ пирче, арығ чӱректіг дее, чазыхтығ даа кізілерге наңмыр ыс пирче нимес пе зе?

Матфей 5:48

Сірер, тізең, Тигірдегі Пабаңар осхас ӧтіре чахсы полыңар.

Лука 20:36

Олар, ангеллер осхас пол парып, ӱребестер. Олар, Худай тірілдіргеннеңер, Аның палалары полчалар.

Лука 6:35

Че сірер, ыырҷыларыңа хынып ала, чахсы ит турыңар. Пір дее ниме нандыра сағыбин, ӧдіске пир турыңар. Андада сірерге илбек тӧлег полар. Ӧӧркі Чайаачының палалары поларзар. Ол чахсаа чахсынаң нандырбинчатханнарға даа, чабалларға даа паарсидыр нооза.

Илҷілернің 7:26

Пазағы кӱн, оларның хай піреезінің тудысчатханын кӧр салып, Моисей, пас киліп, оларны чарастырарға харазып, теен: «Сірер харындастарзар, ноға удур-тӧдір хыйыхтасчазар?»

Римдегілерге 12:18

Оңдайларың пар полза, прай кізілернең амыр чуртирға кӱстеніңер.

Римдегілерге 8:14

Худай Худынаң устанчатхан кізілер прайлары Худайның палалары полчалар.

Римдегілерге 8:16

Худай Худы пістің худыбыснаң хада піс Худайның палалары полчатханыбысты киречілепче.

Римдегілерге 8:19

Прай чайалған ниме Худай палалары кем полчатханын азыларын чидікпин сағыпча нооза.

1 Коринфтегілерге 6:6

Че харындаснаң харындас чарғылас чӧрчезер, ағаа хоза, киртініс чохтарның алнында.

2 Коринфтегілерге 13:11

Че, харындастар, ӧрініңер, хыйғаларың хозыңар, часхарыныңар, пір сағыстығ, амыр чуртаңар. Андада хыныс паза амыр пирчеткен Худай сірернең хада полар.

2 Коринфтегілерге 5:20

Ол оңдайнаң піс Христостың адынаң чоохтапчабыс. Пістің пастыра Худай Позы чоохтанчатханға килісче. Аннаңар Христостың адынаң алданчабыс сірерге: Худайнаң чарас салыңар.

Галат чиріндегілерге 5:22

Худай Худы пирчеткен ниме, тізең, мындағ: хыныс, ӧрініс, амыр хоных, тыстаныс, паарсас, айас, киртініс,

Ефестегілерге 4:1

Амды мин, Хан-пигібіс ӱчӱн харибде одырчатхан кізі, сірердең «Худай кізілері полып, Худай хығырған нимее турыстығ полыңар» тіп, алданчам.

Филипптегілерге 4:2

Еводийге алданчам паза Синтихийге алданчам, Хан-пигібісте пір сағыстығ полыңар.

Колоссадағыларға 3:13

Пірее кізінің піреезіне хоп полза, удур-тӧдір тыстанызыңар. Христос сірерге хайди пыро тастаан, сірер дее ідӧк идіңер.

Еврейлерге 12:14

Прайзынаң хада ынағ чуртирға, ах-арығ поларға кӱстеніңер. Іди полбаза, Хан Худайны пірдеезі кӧрбес.