Матфей 5:46 - Наа Молҷағ

⁴⁶ Сірер позыңарға хынчатханнарға ла хынчатсар, Худай сірерге нименің ӱчӱн сыйых пирерге кирек? Албан чығҷаңнар даа ідӧк итчелер нимес пе зе?

Матфей 5:46 ပူးပေါင်းရင်းမြစ်များ

Матфей 11:19

Кізі Оолғы, киліп, чиис тее чіпче, хызыл араға даа ісче. Ағаа тіпчелер: «Пу кізі чиис чиирге паза араға ізерге хынча. Ол чазыхтығларның паза албан чығҷаңнарның арғызы». Че Худайның хыйғазынаңар аның палалары киречілепчелер.

Матфей 18:17

Оларны даа испинчетсе, андада прай нимені тигіриб чонына чоохта. Тигіриб чонының дее сӧзін испинчетсе, син аны Худайы чох алай албан чығҷаң кізее сана.

Матфей 5:47

Чағыннарыңнаң на изеннезіп, пасхаҷыл ниме ит салған пол парчазар ба? Худайы чохтар даа іди итчелер нимес пе зе?

Матфей 6:1

Кӧріңер! Чахсы киректерні, сірерні кӧрзіннер тіп, кізілер кӧзіне ле итпеңер. Іди итсер, Тигірдегі Пабаңардаң сірерге сыйых киліспес.

Марк 2:15

Хаҷан Иисус Левийнің туразында азыранчатханда, Аннаң хада ӱгренҷілері дее, албан чығҷаңнар даа паза чазыхтығ илееде кізі азыранған. Олар кӧп полғаннар, прайзы Аны хооп чӧрген.

Марк 2:16

Моисей Чахии пілігҷілері паза фарисейлер, Иисусты албан чығҷаңнарнаң паза чазыхтығларнаң хада азыранчатханын кӧр салып, Аның ӱгренҷілеріне чоохтанғаннар: – Ноға ол іди албан чығҷаңнарнаң паза чазыхтығларнаң хада азыран чӧрче?

Лука 15:1

Албан чығҷаңнарның паза чазыхтығларның прайзы Иисусты истіп аларға килҷең.

Лука 18:13

Албан чығҷаң кізі, тізең, оортах турып, тигірзер харахтарын кӧдірерге дее тідінмеен, че, кӧксін сабынып, чоохтанған: «Худай! Айадах мині, чазыхтығ кізіні!»

Лука 19:2

Ол саарда албан чығҷаңнарның пастығы полчатхан Закхей тіп пір пай кізі чуртаан.

Лука 19:7

Анзын кӧргеннернің прайзы, Иисусты чазыхтығ кізізер кірче тіп, тарығып чоохтасхлаан.

Лука 3:12

Албан чығҷаңнар даа, кіреске тӱзерге киліп, тееннер: – Ӱгретчі! Піс чи ниме идерге кирекпіс? –

Лука 5:29

Иисусты ибінзер хығырып, Левий улуғ той идібіскен. Анда албан чығҷаңнар даа, пасха даа кізілер кӧп полғаннар.

Лука 5:30

Моисей Чахии пілігҷілері паза фарисейлер, тізең, перінізіп, Иисустың ӱгренҷілеріне чоохтанғаннар: – Ноға сірер албан чығҷаңнарнаң паза чазыхтығ кізілернең хада, азыранып, ісчезер?

Лука 7:29

Иисусты искен кізілернің прайзы, албан чығҷаңнар даа, Иоаннаң пастыра кіреске тӱзіп, Худайны саблаан.

Лука 7:34

Кізі Оолғы, киліп, чиис тее чіпче, араға даа ісче. Сірер тіпчезер: «Кӧріңер, пу чиирге дее, араға даа ізерге хынчатхан кізіні, ол албан чығҷаңнарнаң паза чазыхтығларнаң нанҷыласча».