Матфей 5:44 - Наа Молҷағ

⁴⁴ Мин, тізең, тіпчем сірерге: ыырҷыларыңа хыныңар, сірерні харғапчатханнарны алғап турыңар, сірерні хырт кӧрчеткеннерге чахсы хылыныңар, сірерні хыйыхтапчатханнарның паза хыйа сӱрчеткеннернің ӱчӱн пазырыңар.

Матфей 5:44 ပူးပေါင်းရင်းမြစ်များ

Лука 23:34

Иисус, тізең, чоохтанған: – Пабам! Пу кізілернің пыроларын таста, ниме итчеткеннерін пілбинчелер нооза. Анаң чааҷылар, ӱлӱске тас тастап, Иисустың кип-азаан ӱлескеннер.

Иоанн 13:34

Сірерге наа чахығ пирчем: удур-тӧдір хынызыңар. Мин сірерге хынған чіли, сірер дее ідӧк удур-тӧдір хынызыңар.

Илҷілернің 16:28

Че Павел, тыыда чоохтанып, аны тохтадыбысхан: – Позыңа хомай ниме итпе. Піс прайзыбыс мындабыс.

Илҷілернің 7:60

Стефан, тізең, тізекке тӱзіп, ӧтіг ӱннең хысхырыбысхан: – Хан-пигім! Нандырыға тартпа оларны пу чазых ӱчӱн! Іди тіп, ол тоозыл чӧрібіскен.

Римдегілерге 12:14

Сірерні сӱрчеткен кізілерні алғаңар. Харғабаңар, че алғапчадыңар.

1 Фессалониктегілерге 5:15

Кӧріңер, пірдеезі чабалға чабалнаң нандырбазын, пос посха даа, пасхаларына даа чахсы итчедіңер,

1 Петрның 2:23

Аны сӧклееннер, ол, тізең, удур тапсабаан. Ол ирееленген, че пірдеезіне хыҷанмаан. Орта Чарғыҷының холына ол прай нимезін пирібіскен.

1 Петрның 3:9

Чабалға чабалнаң, хырызынысха хырызыныснаң нандырбаңар, че алғас аларға хығыртылғаннарыңны піліп, кізілерні улам алғапчадыңар.