Матфей 5:25 - Наа Молҷағ

²⁵ Пірее кізі сині чарғаа пирерге итчетсе, андар читкелеккеӧк, сині чарғыҷаа пирібіспезін тіп, чарғыҷы, тізең, хадағҷаа, анзы даа сині харибге кир салбазын тіп, ыырласхан кізіңнең чолдох чаразып ал.

Матфей 5:25 ပူးပေါင်းရင်းမြစ်များ

Матфей 26:58

Пётр Иисустың соонҷа, илееде оортах парып, иң улуғ абыстың чуртына килген. Пу нименің хайди тоозыларын піліп алар ӱчӱн, ол нымысчыларнаң хада сиден істінде одыр салған.

Лука 18:3

Олох саарда пір ӧкіс ипчі полған. Ол ипчі, чарғыҷызар чӧріп, сурынҷаң: «Арачыла мині миннең тоғыр полчатхан кізідең».

2 Коринфтегілерге 6:2

Чоохталған нооза: «паарсах поларға тус чит килгенде, Мин сині истіп салғам. Сині арачылир кӱн чит килгенде, Мин сағаа полыс пиргем». Мына Худайның паарсазын алҷаң тус, мына арачыланыс кӱні.

Еврейлерге 12:17

Сірер пілчезер, соонаң ол пабазының алғазын аларға сағынған. Че иділ парған нимені тӱзет полбаан. Харах чазын тӧгіп ала пабазына алданған даа полза, хыйа тасталған.

Еврейлерге 3:13

Чазых сірерні чолдаң хыйыстырыбызып, ӧчес пол парбастарың ӱчӱн, кӱннің сай удур-тӧдір кӧңнілерің кӧдірізіңер. Іди Худай Пічиинде «пӱӱн» тіпчеткен тус иртіскенҷе итчедіңер.

Еврейлерге 3:7

Аннаңар Худай Худы піди тіпче: «Пӱӱн Худайның ӱнін исчетсеңер,