Матфей 5:16 - Наа Молҷағ

¹⁶ Сірернің дее чарытхыларың кізілерге іди чарызын, олар сірернің чахсы киректеріңні кӧрзіннер паза Тигірдегі Пабаңарны сабландырзыннар. –

Матфей 5:16 ပူးပေါင်းရင်းမြစ်များ

Матфей 23:5

Прай постарының киректерін кізілерге кӧзідерге ле тіп итчелер. Хамахтарындағы пічіктіг чаламаларын чалбахтаң чалбах итчелер, кип-азахтарындағы чачахтарны узуннаң узун итчелер.

Матфей 23:9

Сірернің пір ле Паба пар, Ол тигірде, аннаңар чир ӱстӱнде пір дее кізіні паба тіп адирға кирек чоғыл.

Матфей 5:45

Андада ла сірер Тигірдегі Пабаның ооллары пол парарзар. Ол Позының кӱніне, хомай даа, чахсы даа кізілерге чарыт тур тіп, чахығ пирче, арығ чӱректіг дее, чазыхтығ даа кізілерге наңмыр ыс пирче нимес пе зе?

Матфей 6:16

Ораза тутчатхан туста даа, чойырхостар чіли, мӧңіс сырайлығ чӧрбеңер. Олар, ораза тутчатханын кізілерге кӧзідерге полып, мӧңіс сырайлығ поладырлар. Сынны сірерге тіпчем, олар постарының сыйыхтарын амох алып одырчалар.

Матфей 6:9

Сірер, тізең, піди пазырыңар: Тигірдегі Пабабыс! Синің Адың сабланзын;

Матфей 9:8

Анзын кӧрген кізілер уғаа таңнап парғаннар. Чазых позытчаң паза имнеҷең ӱлгӱні кізілерге пиргені ӱчӱн, Худайны саблааннар.

Лука 11:2

Иисус оларға нандырған: – Пазырчатсаңар, піди тіңер: Тигірдегі Пабабыс! Синің Адың сабланзын; Синің хан-ӱлгӱң пеер килзін; Чир ӱстӱнде дее, тигірдегӧк чіли, Синің кӧңніңҷе прай ниме ползын.

Иоанн 15:8

Сірер, кӧп чистек пиріп, Минің ӱгренҷілерім пол парзаңар, Пабамны сабландырарзар.

Илҷілернің 9:36

Иоппи саарда Иисустың ӱгренҷізі Тавифа, анзы киик теені полча, тіп хыс чуртаан. Ол кӧп чахсы ниме иткен паза чох кізілерге паарсазын кӧбӧк читірҷең.

1 Коринфтегілерге 14:25

Ол оңдайнаң аның чӱреендегі чазыттары азыл парча. Ол, тӱңере тӱзіп, Худайға пазырар паза тир «Худай сыннаң даа сірернің аразында».

2 Коринфтегілерге 9:13

Итчеткен тоғыстарыңны кӧріп, сірер ӱгретчеткен Христостың Чахсы Хабарының сӧзінҷе полчатханнарың паза оларға даа, пасхаларына даа пар-чох кӧңнілеріңнең пирчеткеннерің ӱчӱн, олар Худайны саблапчалар.

Галат чиріндегілерге 1:24

Аны истіп, олар минің ӱчӱн Худайны саблааннар.

Ефестегілерге 2:10

Піс Худайның чайап салған кізілерібіс. Чахсы киректер идерге Иисус Христос пастыра чайалғабыс. Ол киректерні Худай піске, толдырыңар тіп, хас-хаҷанох азынада тимнеп пирген.

Ефестегілерге 5:8

Сірер хаҷан-да харасхы полғазар, амды, тізең, Хан-пигібіснең хадада, сірер – чарыхсар. Аннаңар чарыхтың палалары чіли чуртаңар.

1 Тимофейге 2:10

че Худайны улуғлап тудынчатхан ипчілерге килістіре киректернең постарын чазазыннар.

1 Тимофейге 5:25

Чахсы киректер дее ідӧк іле кӧрінедірлер. Че хайзы чахсы киректер соонаң на сығысчалар.

1 Тимофейге 6:18

Оларны чахсы идерге, чахсы киректерге пай поларға, харанмас, сыйлаачы поларға ӱгрет.

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

Титке 2:7

Позың прай нимеде, чахсы киректерде кӧзідім пол. Ӱгретчетсең, прай чӱрееңні салып, сын оңдайлығ паза арығ пол.

Титке 3:14

Пістіңнер дее, тик чӧрбес ӱчӱн, сығысхан кирексіністерін толдырар ӱчӱн, чахсы киректер идерге ӱгрензіннер.

Титке 3:4

Хаҷан, тізең, Худай Арачылағҷыбыстаң паарсас паза кізее хыныс тӱскенде,

Еврейлерге 10:24

Удур-тӧдір полызызааңар, хынарға паза чахсы киректер идерге кӧӧктірізееңер.

1 Петрның 2:12

Пасха чонның аразында сірерні чабал кізілер тіп чоохтапчатсалар даа, чахсы ла чӧріңер. Худай оларзар килген туста, тізең, олар, чахсы киректеріңні кӧріп, Худайны саблирлар.

1 Петрның 2:9

Сірер, тізең, таллап алған тӧлзер, Хан-пигнің абыстары, ах-арығ чоны полчазар. Сірер Худайның кізілерізер. Сірерні харасхыдаң Позының хайхастығ чариинзар хығыртхан Худай, Аның сабланызын тарадарларың ӱчӱн, сірерні андағ чон ит салған.

1 Петрның 3:1

Сірер, ипчілер, ідӧк ирлеріңнің сӧзінең сыхпаңар. Андада Худай сӧзін испинчеткен хай пірее ирлер, ипчілерінің чуртастары пастыра ла, артых чоохтаспин, Худайға хозыл парарлар. Сірернің арығ сағыстығ, Худайдаң хорығып чуртапчатханнарыңны кӧрзелер, оларға пір дее ниме чоохтирға кирек чох полар.

1 Петрның 3:16

арығ сағыстығ полыңар. Андада сірерні чабал тіпчеткен, Христоста иптіг чуртапчатханнарыңны сӧклепчеткен кізілер постары уйатха кірерлер.

1 Петрның 4:11

Чоохтанарға салылған кізі Худай сӧстерінең чоохтанзын. Полызарға салылған кізі Худай пирчеткен кӱснең тузаланзын. Худай Иисус Христостаң пастыра сабланзын. Худайға хаҷан даа сабланыс паза кӱс ползын! Аминь.

1 Петрның 4:14

Сірерні Христостың адының ӱчӱн сӧклепчетселер, сірер часкалығзар: сабланыстың Худы, Худайның Худы сірерге тӱскен нооза. Тігілер аны хырысчалар, сірер, тізең, саблапчазар.