Матфей 4:3 - Наа Молҷағ

³ Анаң, Аныңзар хыҷыхтандырҷаң сайтан киліп, теен: – Син сынап Худай Оолғы полчатсаң, пу тастар халасха айлан парзыннар тіп чоохтан.

Матфей 4:3 ပူးပေါင်းရင်းမြစ်များ

Матфей 14:33

Кимеде одырғаннар, Иисуссар пас киліп, мӧкейіп пазырып чоохтанғаннар: – Син сынап таа Худай Оолғы полтырзың.

Матфей 16:16

Син – Мессий-Христоссың, Тіріг Худайның Оолғызың, – нандырған Симон-Пётр.

Матфей 26:63

Иисус тапсабаан. Анаң улуғ абыс пазох теен: – Тіріг Худайның адынаң чоохтап пир піске, Синзің ме Мессий-Христос, Худай Оолғы?

Матфей 3:17

Ол туста тигірдең ӱн истілген: – Пу Минің хынған Оолғым, Ол Минің кӧңніме тың кірче.

Марк 1:1

Ухаанҷылар пасханы хоостыра, Худай Оолғынаңар, Иисус Христостаңар, Чахсы Хабар піди пасталған: «Мына Синің алныңҷа Синің чолыңны тимнир илҷімні ысчам».

Марк 3:11

Айналар даа, Аны кӧр салып, Аның алнында тӱңдере тӱзіп, хысхырысханнар: – Син Худай Оолғызың.

Марк 5:7

паза чабал табыснаң аахтаан: – Ниме кирек Сағаа миннең, Иисус, Ӧӧркі Худай Оолғы? Худайнаң алданчам Сағаа, иреелебе мині.

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

Лука 22:70

Андағда Син Худай Оолғызың ма? Иисус оларға нандырған: – Анзын, Минмін тіп, позыңар чоохтадыңар.

Лука 4:3

Андада сайтан ағаа теен: – Син, Худай Оолғы полчатсаң, пу тасха халасха айлан парарға чахығ пир. –

Лука 4:41

Кӧп кізідең чабал хуттар «Син Мессий-Христоссың, Худайның Оолғызың!» тіп хысхырызып ала, сыға хон турғаннар. Че Иисус оларны, Позының Мессий-Христос полчатханын пілчеткеннерін чоохтирға пирбин, тымылдырыбыс турған.

Лука 4:9

Анаң сайтан, Аны Иерусалим саарзар апарып, храмның хырында турғыс салып, теен: – Худай Оолғы полчатсаң, мыннаң чирзер сегірібіс.

Иоанн 1:34

Мин, Худай Худының тӱсчеткенін кӧріп, Аның Худай Оолғы полчатханын киречілеем.

Иоанн 1:49

Ӱгретчі! Син – Худай Оолғызың, Син – Израиль Ханызың! – хысхырған Нафанаил. –

Иоанн 20:31

Пу пічік сірерге Иисустың Мессий-Христос, Худайның Оолғы полчатханына киртінзіннер тіп пазылған. Іди киртініп, сірер чуртас аларзар.

Иоанн 9:35

Иисус, ол кізінің сығара сӱрдіргенінеңер истіп, аны таап алған. – Худай Оолғына киртінчезің ме? – сурған Иисус. –

Илҷілернің 9:20

Сах андох синагогаларда, кізілерні Иисус Худай Оолғы полча тіп ӱгрет сыххан.

2 Коринфтегілерге 1:19

Миннең, Силуаннаң паза Тимофейдең сірерде чарлалған Худай Оолғы Иисус Христос пір саңайға «йа» паза «чох» полбаан. Анда «йа» ла полған.

Галат чиріндегілерге 2:20

Амды мин позым чуртабинчам, минде Христос чуртапча. Сағам пу позым чуртапчатханым, тізең, Худайның Оолғына киртініснең чуртапчатханым полча. Ол мағаа хынча паза минің ӱчӱн Позын ӧлімге пир салған.

1 Фессалониктегілерге 3:5

Аннаңар, паза сағба чохта, мин дее, сыдаспин, киртіністерің пик пе тіп, пілерге ыстым. Пик полбаза, сайтан сірерні хыҷаландыр салза, пістің иткен тоғызыбыс тик парар.

Еврейлерге 12:16

Араңарда чӧреечі алай Худайны улуғлабинчатхан кізі пол парбазын. Исав осхас кізілер пір азырал ӱчӱн улуғ оолның ӱлӱзін орнастырыбызарға тимделер.

Еврейлерге 4:14

Пістің Иң улуғ абыс Худай Оолғы Иисус пар. Аның тигірдегі Худайның алнында даа турыбызар оңдайы пар. Аннаңар пістің киртінізібіске пик тудыныңар.

Еврейлерге 7:3

Мелхиседектің паба-іҷезі, ӧбекелері кем полғаны пілдізі чоғыл. Аның тӧреенінеңер дее, ӱреенінеңер дее пір дее ниме пілбинчебіс. Ол, Худай Оолғыох чіли, саңайға абыс полып халған.

1 Иоанның 3:8

Иң пурунғыдаң пеер сайтан чазых итче, аннаңар чазых итчеткен дее кізі сайтанның кізізі полча. Худай Оолғы сайтанның киректерін чох идерге килген.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.