Матфей 4:25 - Наа Молҷағ

²⁵ Галилей чирінең паза Он саар чирінең, Иерусалимнең паза Иудей чирінең, Иордан суғның озаринаң даа кӧп кізі Аның соонҷа пар сыххан.

Матфей 4:25 ပူးပေါင်းရင်းမြစ်များ

Матфей 12:15

Аның соонҷа кӧп чон парған. Ол ағырығларынаң прайзын имнебіскен.

Матфей 19:2

Аның соонҷа кӧп кізі парған, Ол оларны анда имнеглебіскен.

Матфей 4:15

«Завулон паза Неффалим, талайзар парчатхан чолдағы чирлер, Иордан суғның озархызы, Галилей чирі – аймах-пасха чоннарның чирі!

Матфей 5:1

Иисус, чонның кӧп чыыл парғанын кӧріп, тағзар сыххан. Анда Ол одыр салғанда, ӱгренҷілері Аныңзар пас килгеннер.

Матфей 8:1

Иисус тағдаң тӱскенде, Аның соонҷа кӧп чон парған.

Марк 5:20

Ол кізі, парып, Он саар чирінде Иисус аннаң ниме иткенін чонға чоохтап чӧрген. Аның чооғына прайзы чапсысхан.

Марк 6:2

Суббота кӱн читкенде, Иисус синагогада ӱгредіп пастаан. Аны кӧп кізі искен. Олар, чапсызып, чоохтасханнар: – Анзы чи хайдаңдыр анда? Хайдағ хыйға пирілді ағаа? Пу хайхастар аның холларынаң хайди иділчелер ни зе?

Марк 7:31

Тир паза Сидон чирлерінең сығып, Иисус, Он саар чирін тобыра пазох Галилей кӧлзер пар сыххан.

Лука 6:17

Оларнаң хада тағдаң ин киліп, Иисус пір тӱс чирде турыбысхан. Кӧп ӱгренҷілері паза Иудей чирінең, Иерусалимнең, талай хазындағы Тир паза Сидон саарлардаң даа илееде кӧп кізі мында турыбысхан.

Лука 6:19

Иисустаң тарапчатхан кӱс прайзын имнебісчеткеннеңер, кізілернің полғаны ла Ағаа холын теертібізерге харасхан.