Матфей 4:24 - Наа Молҷағ

²⁴ Иисустаңар хабар прай Сирий чирінҷе тараан. Андар чадығдағыларны, аймах ағырығларға пастырчатханнарны, талчатханнарны, айна кіргеннерні, алҷаахханнарны, чӱллері пос кізілерні – прайзын ағыл килҷеңнер. Иисус прайзын чазылдырған.

Матфей 4:24 ပူးပေါင်းရင်းမြစ်များ

Матфей 12:22

Анаң Иисуссар, айнаа хаптырып, чоохтан полбинчатхан паза кӧр полбинчатхан кізіні ағыл килгеннер. Ол аны чоохтан полар паза харахтарын кӧр полар иде имнебіскен.

Матфей 14:1

Ол туста Галилей чирінің ханы Ирод Иисустаңар чоохтарны ис салған.

Матфей 15:22

Ол чирлердең сыххан ханаан ипчі, Иисуссар киліп, хысхырған: – Айадах мағаа, Хан-пигім, Давид тӧлі! Минің хызым айнаа тың хаптырт салды.

Матфей 17:15

алданған: – Хан-пигім! Айадах минің оолғыма. Ол, ай толызына орта алҷаағып, кӧйчеткен отха алай суға удаа сегіріп, тың ирееленедір.

Матфей 17:18

Иисус ағырығ оолахтағы айнаа сых тіп хатығ чоохтанғанда, айна сых парыбысхан, оолғыҷах, тізең, сах андох хазыхтан парған.

Матфей 4:23

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң ағырчатхан алай сағ чохтанчатхан кізілерні имнеп, прай Галилей чирінҷе чӧрген.

Матфей 8:28

Иисус, кӧлні кизіп, Гергесин чирінзер читкенде, Ағаа удур айнаа хаптыртхан ікі кізі сыыраттар полчатхан хуюдаң чӱгӱріс килгеннер. Олардаң хорығып, пірдеезі пу чолҷа парарға тідінмеҷең.

Матфей 8:33

Сосха хадарчатханнар, чӱгӱрібізіп, саарзар чидіп, прай нимедеңер, ол чабал хуттарға хаптыртхан кізілердеңер дее чоохтап пиргеннер.

Матфей 8:6

Хан-пиг! Минің нымысчым, чӱллері пос пол парып, ағырып, ибде чатча. Ол тың ирееленче. –

Матфей 9:26

Пу нимедеңер тылаас прай чирҷе тарап парыбысхан.

Матфей 9:35

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң паза сағ чохтаныстардаң кізілерні имнеп ала, прай саарларҷа паза аалларҷа чӧрген.

Марк 1:28

Иисустаңар чоох Галилей чиріне тӱрченің не аразына тиксі тарап парған.

Марк 1:32

Иир чит килгенде, тізең, кӱн хонызында, Аныңзар ағырығ паза чабал хуттарға иреелетчеткен кізілерні ағыл сыхханнар.

Марк 2:3

Ол туста Аныңзар чӱллері пос кізіні ағыл килгеннер. Аны тӧртӧлең хаап килгеннер.

Марк 2:4

Чон тығылызына олар Иисуссар чағдап полбааннар. Аннаңар ол тураның хырын кизекти сайап, чадығдағы кізіні ӧӧртін тӧзектігӧк тӱзіргеннер.

Марк 2:9

Чадығдағы кізее ниме тирі оой? «Синің чазыхтарың позыдылчалар» алай «Тур, тӧзегің алып, пар?»

Лука 2:2

Пу пастағы санағ Квириний Сирийнің пигі полчатхан туста иртірілген.

Лука 4:14

Иисус Галилей чирінзер Худай Худының кӱзінде айлан килген. Аннаңар хабар прай чирге тарап парыбысхан.

Лука 4:38

Синагогадаң сығып, Иисус Симон теен кізінің чуртына кірген. Симонның хазинезі, тізең, туданнаң аар ағырчатхан. Иисустаң ағаа полыс пирерге сурынғаннар.

Лука 5:15

Иисустаңар тылаас уламох тың тараан. Аны истіп аларға паза постарының ағырығларынаң имненіп аларға уғаа кӧп кізі кил турҷаң.

Лука 5:24

Кізі Оолғының пу чирде чазыхтарны позыдар ӱлгӱзі парын амох сірерге кӧзідем. Анаң Ол ит-сӧӧгі пос-пас кізее теен: – Тіпчем сағаа: тур, тӧзек-частығың алып, ибіңзер пар.

Лука 7:17

Иисустаңар пу тылаас прай Иудей чирінҷе паза прай ибіркі чирлерҷе тараан.

Иоанн 10:21

Пасхазы таласхан: – Пу айнаа хаптыртхан кізінің чооғы нимес. Айна харах чохтарның харахтарын ас поладыр ба?

Илҷілернің 10:38

Хайди Худай Позының Худын паза кӱзін Назареттегі Иисусха пиргенін, пілчезер. Иисус, тізең, Худай Анынаң хада полғаннаңар, кізілер аразынҷа чӧріп, чахсы нимелер иткен паза сайтанға хаптырғаннарның прайзын имнебіс турған.

Илҷілернің 15:23

Олар мындағ пічік пас пиргеннер: «Илҷілер, тигіриб ах сағаллары паза харындастар Антиох саарда, Сирий паза Киликий чирлерінде чуртапчатхан иудей нимес чоннардаң сыххан харындастарға чолабит ысчабыс!

Илҷілернің 15:41

Олар, Сирий паза Киликий чирлерінҷе чӧріп, андағы тигіриб чонының киртіністерін тыытханнар.

Илҷілернің 28:9

Аның соонда олтырыхтағы пасха даа ағырығ кізілер Павелзер киліп, имненіп алҷаңнар.

Илҷілернің 8:7

Чабал хуттар кӧп кізідең аах-уух тӱзіп ала сығара чачырааннар, пас чӧр полбинчатхан паза ахсах кӧп кізі хазыхтан пар турған.