Матфей 3:11 - Наа Молҷағ

¹¹ Мин сірерні, Худайзар айланып, чазыхтарыңнаң хыйа полғаннарыңны таныхтап, суғда кіреске тӱзірчем, че соомҷа Килчеткені миннең улуғ. Мин Аның ӧдігін дее апарарға турыстығ нимеспін. Ол сірерні Худай Худынаң паза отнаң кіреске тӱзірер.

Матфей 3:11 ပူးပေါင်းရင်းမြစ်များ

Матфей 3:6

Иоанн оларны, чазыхтары ӱчӱн пыросынған соонда, Иордан суғда кіреске тӱзірҷең.

Марк 1:4

Иоанн, киліп, хуу чазыда кізілерні ӱгредіп, теен: «Кіреске тӱзіп, Худайзар айланыңар. Андада сірернің чазыхтарың позыдылар».

Лука 1:17

Иоанн, Аның алнынҷа килер ухаанҷы, Илияох осхас кӱстіг паза кӱлӱк кӧңніліг: пабаларның чӱректерін палаларынзар айландырар паза сӧс испинчеткеннерні сын чолға кирер, Хан Худайға чонны тимнеп пирер. –

Лука 3:16

Иоанн прайларына нандырған: – Мин сірерні суғнаң кіреске тӱзірчем. Че соомҷа Килчеткені миннең хай хай улуғ. Мин Аның ӧдігінің паан даа систерге турыстығ нимеспін. Ол сірерні Худай Худынаң паза отнаң кіреске тӱзірер.

Лука 3:3

Иоанн, Иордан суғның ибіркізіндегі прай чирлерҷе чӧріп, кізілерні кіреске тӱзерге паза Худайзар айланарға хығырған. Андада оларның чазыхтары позыдылар тіп ӱгреткен.

Иоанн 1:15

Иоанн, Сӧстеңер киречілеп, хысхырып ала чоохтаан: – «Минің соомҷа Килчеткені, мин тӧреелеккеӧк пар полғаннаңар, миннең илбек» тіп чоохтаам Пу Кізідеңер.

Иоанн 1:30

Мин ол Хурағаннаңар піди чоохтаан полғам: «Минің соомҷа Ирен килче. Ол, мин тӧреелеккеӧк, пар полғаннаңар, миннең илбек».

Илҷілернің 1:5

Иоанн суғнаң кіреске тӱзірген, сірер, тізең, хай пірее кӱн мының соонаң Худай Худынаң кіреске тӱзерзер.

Илҷілернің 19:4

Иоанн кізілерні чазыхтарынаң хыйа ползыннар тіп кіреске тӱзірген. Ол позының соонҷа килчеткеніне, Иисус Христосха, киртінерге хығырған, – теен Павел.

Илҷілернің 8:36

Іди олар, чолларын узарадып, суға чит килгеннер. Андада евнух теен: – Мына суғ, мағаа кіреске тӱзерге ниме харығ полча? –

Илҷілернің 8:38

Анаң, хаңаазын тохтадыбызарға чахыбызып, олар ікізінең суға кірібіскеннер. Филипп евнухты кіреске тӱзірген.

1 Коринфтегілерге 12:13

Піс прайзыбыс пір Худай Худынаң пір ит-хан поларға кіреске тӱскебіс нооза: Иудейлер дее, Гректер дее, хуллар даа, пос хоныхтығлар даа – прайзыбыс пір Худай Худынаң суғарыл парғабыс.

Ефестегілерге 3:8

Мин ах-арығ кізілерінің аразында иң алтындағызыбын, че чоннарға Христостағы сині чох пайдаңар чоохтаҷаң ӱлӱс мағаа пирілген.

Титке 3:5

Ол пісті арачылап халған. Піс позыбыс иткен сын киректерібіс ӱчӱн нимес, че пісті айааны ӱчӱн. Ол пісті чуупчатхан Худай Худынаң пастыра арачылаан. Пу Хуттың чуғаны піске наа тын кирче, наа чуртас пирче.

1 Петрның 5:5

Сірер дее, чииттер, улуғларның чооғын исчедіңер. Удур-тӧдір пазымнығ хайызыңар. Худай кӧкеесімнердең тоғыр кӱресче, пазымнығларға, тізең, паарсазын читірче.