Матфей 28:6 - Наа Молҷағ

⁶ Ол мында чоғыл. Ол Позыох чоохтаан оңдайнаң тіріл килген. Чағын пазыңар, кӧріңер Хан-пиг чатхан орынны.

Матфей 28:6 ပူးပေါင်းရင်းမြစ်များ

Матфей 12:40

Иона улуғ палыхтың істінде ӱс кӱн паза ӱс хараа хайди полған, ідӧк Кізі Оолғы чирнің істінде ӱс кӱн паза ӱс хараа полар.

Матфей 16:21

Ол тустаң пасти Иисус ӱгренҷілеріне Позының Иерусалимзер парарға кирек полчатханынаңар, анда ах сағаллардаң, улуғ абыстардаң паза Моисей Чахии пілігҷілерінең кӧп ирее кӧрерінеңер, соонаң оларға ӧдірт салып, ӱзінҷі кӱнінде, тізең, тіріл килерінеңер кӧні чоохтап пастаан.

Матфей 17:23

Олар Аны ӧдірібізерлер, ӱзінҷі кӱнінде, тізең, Ол тіріл килер. Ӱгренҷілері уғаа хомзын парғаннар.

Матфей 17:9

Тағдаң ин килчеткеннерінде, Иисус оларға мындағ чахығ пирген: – Кізі Оолғы, ӧл парып, хатап тіріл килгенҷе, кӧрген пу нимедеңер пірдеезіне чоохтабаңар.

Матфей 20:19

Худайы чохтарның холына, кӱлзіннер, сохсыннар паза кіреске хазазыннар тіп, пирібізерлер. Че ӱзінҷі кӱнінде Ол тіріл килер.

Матфей 27:63

тееннер: – Пигібіс! Піс ол чойның тірігдӧк «Ӱс кӱн пазынаң Мин тіріл килербін» теенін сағысха кир килгебіс.

Марк 16:6

Ол, тізең, ипчілерге теен: – Хорыхпаңар. Сірер Назареттең сыххан кіреске хазатхан Иисусты кӧрглепчезер. Ол тіріл парған, чоғыл мында. Мына Аны чаттырған орын.

Марк 8:31

Анаң Ол Кізі Оолғына кӧп чобаларға кирек полчатханнаңар, ах сағаллар, улуғ абыстар паза Моисей Чахии пілігҷілері Аннаң тоғыр поларларынаңар, Аны ӧдірерлерінеңер, че ӱзінҷі кӱнінде Ол тіріл парарынаңар ӱгреде чоохтаан.

Лука 24:12

Че Пётр, тура хонып, хуюзар чӱгӱр парған. Мӧкейіп, кӧрзе, хую істінде Иисусты ораан сӱбӱректер ле чатхлапчалар, анаң, позы алынҷа таңнап ала, нандыра айлан килген.

Лука 24:23

Аның сӧӧгін таппиндырлар. Анаң, нандыра айланып, піссер ангеллер килгеннер, олар Ол тіріг тееннер тіп чоохтааннар.

Лука 24:44

Анаң оларға теен: – Сірернең хада полғанда, чоохтаан сӧстерім мынзын таныхтапча: Моисей Чахиинда, ухаанҷыларның пічіктерінде паза Ырларда Миннеңер пазылған прай нимелер тол парарға киректер.

Иоанн 10:17

Мин Позымның тынымны, пиріп, хатап аларға тимде полчатханымнаңар, Пабам Мағаа хынча.

Иоанн 2:19

Пу храмны иңзерібіссер, Мин, тізең, аны ӱс кӱнге турғызыбызарбын, – нандырған Иисус. –

Илҷілернің 2:24

Че Худай Иисусты, ӧлімнің хуҷаанаң позыдып, тірілдіріп алған. Ӧлімнің Аны позында тудып алҷаа чох полған нооза.