Матфей 28:3 - Наа Молҷағ

³ Сырайы аның чалын чіли чараан, кип-азаа, тізең, хар осхас аппағас полған.

Матфей 28:3 ပူးပေါင်းရင်းမြစ်များ

Матфей 17:2

Анаң Ол оларның кӧзіне алыс сыххан: сырайы, кӱн чіли, чарып килген, кип-азаа чарых осхас ах пол парыбысхан.

Матфей 28:4

Хадағҷылар, аннаң чоо хорых парып, тітірезіп, ӧліг кізі осхас пол парғаннар.

Марк 16:5

Хуюзар кіргеннерінде, оң саринда ах кип кискен чиит оолны кӧр салып, тың хорых парғаннар.

Марк 9:3

Аның кип-азаа чылтырах паза хар осхас аппағас пол килген. Пу чир ӱстӱнде ис ағартчаңнарның пірдеезі іди ағарта чууп полбас ах полғаннар олар.

Иоанн 20:12

анда аппағас киптіг ікі ангелні кӧр салған. Олар Иисустың сӧӧгі чатхан орында: пірсі – пазында, пірсі, тізең, азаанда, одырғаннар. –

Илҷілернің 1:10

Аның тигірзер ӧӧрлеп парыбысханын кӧр турчатхан аразында, кинетін оларның алныларында ах кип-азахтығ ікі ирен тура тӱзіп,

Азых чоох 10:1

Анаң мин тигірдең тӱсчеткен уғаа кӱстіг ангелні кӧр салғам. Ол позы пулутнаң прай туу тартыл парған полған, аның пазының ӱстӱнде, тізең, тигір хуры чараан. Аның сырайы кӱн осхас, азахтары чалыннап кӧйчеткен ағас осхас полғаннар.

Азых чоох 18:1

Аның соонда тигірдең тӱсчеткен пазох пір ангелні кӧр салғам. Ағаа илбек ӱлгӱ пирілген полған, прай чир ӱстӱ аның сабланызы пызыңнаанына чараан.