Матфей 27:51 - Наа Молҷағ

⁵¹ Олох туста храмда кӧзеңе ӱстӱнең алтынзар алдыра ікі чара талал чӧрібіскен. Чир тітіри тӱскен, тастар чарыл парғаннар.

Матфей 27:51 ပူးပေါင်းရင်းမြစ်များ

Матфей 27:54

Иисусты хадарчатхан чааҷылар, оларның пазы, чир тітіреенін паза полчатхан прай нимені кӧріп, чоо хорых парып, тееннер: – Ол сынап таа Худай Оолғы полтыр.

Матфей 28:2

Кинетін чир уғаа тың тітіреп сыххан. Хан Худай ангелі, тигірдең тӱс киліп, хуюны чапхан тасты хыйа идібізіп, ағаа одыр салған.

Марк 15:38

Олох туста храмда кӧзеңе ӱстӱнең алтынзар алдыра ікі чара талал чӧрібіскен.

Лука 23:45

Кӱн чох пол парған. Храмдағы кӧзеңе ортызынҷа талал чӧрібіскен.

Лука 23:47

Чӱспазы, пу полчатхан нимені кӧріп, Худайны сабландырып, чоохтанған: – Пу Кізі сыннаң даа арығ чӱректіг полтыр!

Еврейлерге 6:19

Пу ізеніс піске пик паза ізестіг керіп кӧспезі осхас полча. Ол ізеніс пісті Худай храмының кӧзеңезі кистіндегі иң ызых орынзар апарча.

Еврейлерге 9:3

Кӧзеңе кистінде «иң ызых орын» тіп адалчатхан пӧлік полған.

Азых чоох 11:13

Олох туста чир тың тітіри тӱскен, саарның онынҷы чардығы иңзеріл парған. Чир тітіреенге читі муңҷа кізі ӧл парған. Пасхалары, тың хорых парып, Тигірнің Худайын саблааннар.

Азых чоох 11:19

Андада тигірде Худайның храмы азыл парған. Храмда Аның молҷағлығ абдыразы кӧрін килген. Тигір чалыннап, табыстар истілгеннер, кӱгӱрт кӱзӱреп, чир тітіри тӱскен, улуғ миндір чаап сыххан.