Матфей 25:6 - Наа Молҷағ

⁶ Орты хараада, тізең, «Мына ипчі алчатхан оол килир, аны удурлирға сығыңар» тіп хысхырған табыс истіл парған.

Матфей 25:6 ပူးပေါင်းရင်းမြစ်များ

Матфей 24:31

Ол чирнің тӧрт пулиинзар Позының ангеллерін чоон табыстығ пырғылығ ызыбызар. Олар Аның таллап алған кізілерін тигірнің пір хыринаң пасха хырина теере чыып аларлар. –

Матфей 24:44

Кізі Оолғы сірер пір дее сағыбаан туста чиде салар, аннаңар хаҷан даа тимде полыңар. –

Матфей 25:1

Андада, чарытхыларын алып, ипчі алчатхан оолны удурлирға сыххан он хысха тӧӧй полар Тигір хан-чирі.

Матфей 25:31

Хаҷан Кізі Оолғы Позының сабланызында паза Аннаң хада прай ах-арығ ангеллері чиде салзалар, андада Ол Позының сабланыстығ ӱлгӱ сіреезіне одырыбызар.

Матфей 25:5

Че ипчі алчатхан оол орайлатчатханда, прайзы, сабыхсып, узубысхан.

Матфей 25:7

Андада прай хыстар, усхун киліп, чарытхыларын иптебіскеннер.

Лука 12:20

«Нимее чарабаан! Пуох хараазын тыныңны ал чӧрібізерлер, кемге халар чыған ис-пайың?» – теен ағаа Худай.

Лука 12:46

Андада мындағ нымысчы сағыбаан кӱнде, сағыбаан туста ээзі чиде тӱзер, аны, ыра-чара тартып, киртінізі чохтарни осхас ӱлӱстіг идер.

1 Фессалониктегілерге 4:16

Архангел ӱні истіл парза паза Худайның пырғызы тапсабысса, Хан-пигібіс Позы даа тигірдең тӱс килер, Христосха киртініп ӱрееннер пурун тіріл килерлер,

2 Петрның 3:10

Хан-пигнің чарғы кӱні, оғыр хараазын кинетін кірібіскен чіли, чиде салар. Ол кӱнде суулабинаң тигір чох пола халар. Анда прай ниме, кӧйіп, чох иділ парар. Чир, тізең, паза чирдегі прай ниме чох пол парар.

Азых чоох 16:15

«Мына мин, оғыр чіли, кинетін килербін. Чалаас чӧрбес паза уйатха кірбес ӱчӱн, узубинчатхан паза постарының кип-азахтарын тимде тутчатхан кізілер часкалығлар», – тіпче Иисус.