Матфей 25:10 - Наа Молҷағ

¹⁰ Олар хайах садызып аларға парыбысхан туста ипчі алчатхан оол чиде салған. Прай тимнен салған хыстар аннаң хада тойға кір парыбысханнар, ізік, тізең, чабыл парған.

Матфей 25:10 ပူးပေါင်းရင်းမြစ်များ

Матфей 24:42

Сірер пілбинчезер, ноо туста Хан-пигіңер килер, аннаңар сиргек полыңар.

Матфей 24:43

Че сірер пілчезер, тура ээзі оғырның килер тузын пілген полза, ол сиргек поларҷых, оғырға даа туразына кірерге пирбесчік.

Матфей 24:44

Кізі Оолғы сірер пір дее сағыбаан туста чиде салар, аннаңар хаҷан даа тимде полыңар. –

Матфей 25:6

Орты хараада, тізең, «Мына ипчі алчатхан оол килир, аны удурлирға сығыңар» тіп хысхырған табыс истіл парған.

Матфей 7:21

Мині «Хан-пигім! Хан-пигім!» тіпчеткен полған на кізі нимес, че Тигірдегі Пабамның кӧңнін не толдырчатхан кізі Тигір хан-чирінзер кіріп алар.

Лука 12:35

Хурларыңны хурчан салып, чарытхыларыңны тамызып, хаҷан даа тимде полыңар.

Лука 13:25

Тура ээзі, тур киліп, ізіктерін пиктебіссе, сірер, тастында халып, ізік тохладып, хысхырарзар: «Пигібіс! Пигібіс! Ас пир піске ізікті!» Че Ол нандырар сірерге: «Мин сірерні пілбинчем, хайдаңзар сірер».

Колоссадағыларға 1:12

Пісті чарыхта ах-арығларның ӱлӱзін аларға хығырған Худайны паза Пабаны алғап турыңар.

2 Тимофейге 4:8

Амды мағаа, орта чуртааным ӱчӱн, пу кӱнде Хан-пигібіс, сын Чарғыҷы, пирер сый тимнелче, мағаа ла нимес, че Аның килеріне хынчатханнарға прайзына даа.

1 Петрның 1:13

Аннаңар сағыстарыңны суғлухтабызыңар, сизіктіг тудынып, Иисус Христостың килгені хоостыра сірерге пирілер паарсасха пар-чох ізеніс тудыңар.

Азых чоох 1:7

Мына! Ол пулуттарынаң хада килир. Аны полған на кізі кӧр салар, Аны кіреске хазаан кізілер дее кӧр саларлар. Прай чир ӱстӱндегі чоннар Аның алнында сыхтирлар. Ана іди полар. Аминь! –

Азых чоох 19:7

Хурағанның тойы чит килгеннеңер, ӧрінееңер паза кӧглееңер! Аны сабландырааңар! Аның алчатхан хызы чазан салды.

Азых чоох 22:20

Прай пу нименің Киречізі тіпче: – Йа, Мин, тӱрче полза, килербін! Аминь, іди ползын! Кил Иисус, Хан-пигібіс!