Матфей 24:7 - Наа Молҷағ

⁷ Чон чоннаң, хан ханнаң тоғыр кӧдірілер. Анда-мында ӧзӧгіс-хырылыстар паза чир тітірезі полар.

Матфей 24:7 ပူးပေါင်းရင်းမြစ်များ

Лука 21:11

Анда-мында чир тітірир, ӧзӧгістең паза ағырығлардаң хырылыс полар, андағ-мындағ хорғыстығ нимелер паза улуғ танығлар тигірдең кӧрінерлер.

Илҷілернің 11:28

Оларның пірсі Агав, Худай Худы тол парып, тӱрче полза, прай чир ӱстӱнде илбек ӧзӧгіс полар тіп, ухаанҷылаан. Ол ӧзӧгіс сыннаң даа Клавдий хаған тузында полған.

Илҷілернің 2:19

Ӧӧр тигірде хайхастар, алтында чирде, тізең, танығлар кӧзідербін: хан, чалыннығ от паза ыс полар.

Еврейлерге 12:27

«Ам даа хатап» теені прай чайаан нименің сілігіліп, чох иділерінеңер ізестіг киречілепче. Андада сілік полбас ла ниме чат халар.

Азых чоох 6:12

Хураған алтынҷы таңмазын суурыбысханда, чир ӱстӱнің уғаа тың тітіри тӱскенін кӧр салғам. Кӱн хара кӧгенек чіли харал парыбысхан, ай, тізең, пӱкӱлее, хан чіли, хызыл пол парыбысхан.

Азых чоох 6:5

Хураған ӱзінҷі таңмазын суурыбысханда, ӱзінҷі аңның чоохтанғанын ис салғам: – Кил паза кӧр! Мин хара атты кӧр салғам. Атха мӱнген кізі холында весы тудын салтыр.

Азых чоох 6:6

Анаң тӧрт аңның аразынаң истілчеткен ӱнні ис салғам: – Пір ле хиникс пуғдай алай ба ӱс ле хиникс ас пір динарийге, пір кӱннің чал ахчазына. Олива хайахтың паза хызыл арағаның паазын алыстырба!

Азых чоох 6:8

Мин пора тӱктіг атты кӧр салғам. Атха мӱнген кізінің ады «Ӧлім» полған. Аның соонҷа «Чир тӱбі» тіп аттығ ниме парған. Чир ӱстӱнің тӧртінҷі чардығында – кізілерні хылыснаң, ӧзӧгіснең, ағырығларнаң паза ачын аңнарнаң чох идерге – ӱлгӱ пирілген ағаа.