Матфей 24:14 - Наа Молҷағ

¹⁴ Че пастап, пу Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар. Анаң на тӱгенҷізі килер.

Матфей 24:14 ပူးပေါင်းရင်းမြစ်များ

Матфей 10:7

Чӧрген чирлерде Тигір хан-ӱлгӱзі чағдап одыр тіп искіріңер.

Матфей 18:19

Ідӧк тіпчем сірерге, араңардағы ікі кізі хайдағ даа нимедеңер сурынарға чӧптезіп алзалар, Тигірдегі Пабам оларға аны ит пирер.

Матфей 24:3

Иисус Елеон тағда одырчатханда, тізең, Андар ӱгренҷілері ле киліп, Аннаң сурғаннар: – Чоохтап пир піске, хаҷан полар ол ниме? Тӱгенҷі тус поларына паза Синің килеріңе хайдағ танығ полар? –

Матфей 24:6

Ідӧк чағынғы паза ыраххы чаалардаңар истерзер. Кӧріңер, тың хорыхпаңар. Прай ол полҷаң ниме, че анзы ам даа тӱгенҷізі нимес.

Матфей 4:23

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң ағырчатхан алай сағ чохтанчатхан кізілерні имнеп, прай Галилей чирінҷе чӧрген.

Матфей 9:35

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң паза сағ чохтаныстардаң кізілерні имнеп ала, прай саарларҷа паза аалларҷа чӧрген.

Марк 13:10

Іди прай чоннарны Чахсы Хабарға пурнада ӱгрет саларға кирек.

Лука 2:1

Ол кӱннерде Рим хағаны Август позының чиріндегі прай кізілерні, санға алып, пічікке кир саларға чахығ сығарыбысхан.

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Лука 4:5

Андада сайтан, Аны пӧзік таға сығарып, чир ӱстӱндегі прай хан-чирлерін Ағаа пір-ікі ле кӧзіт пиріп,

Илҷілернің 11:28

Оларның пірсі Агав, Худай Худы тол парып, тӱрче полза, прай чир ӱстӱнде илбек ӧзӧгіс полар тіп, ухаанҷылаан. Ол ӧзӧгіс сыннаң даа Клавдий хаған тузында полған.

Илҷілернің 17:31

Худай чир ӱстӱндегі чонның орта чарғызын итчең кӱнні Позы таллап алған Кізізі пастыра адап салған. Анзын Ол, Аны ӧлімнең тірілдіріп, прай кізілерге киречілеен.

Илҷілернің 17:6

Че оларны таппин, иудейлер Иасонны паза киртінчеткен харындастарның хай піреезін, хаап алып, саар пастыхтарынзар апарғаннар. – Прай чирні ай-пораан итчеткеннер пеер читтірлер!

Илҷілернің 19:27

Мынзы, тізең, узыбыстың на нимес, че улуғ худайыбыс Артемиданың храмының пір дее нимее салылбазынаң хорғыстығ. Прай Асий чирінде паза прай чир-чалбахта улуғлалчатхан худайыбыстың аарлығ омазы хырыл халар.

Илҷілернің 20:25

Амды мин пілчем: сірер прайзыңар, кемнің аразында мин чӧргем паза кемні Худай хан-ӱлгӱзіне ӱгреткем, мині паза кӧрбессер.

Римдегілерге 10:18

Че мин сурчам: олар испееннер бе? Чох, искеннер. Прай чир-чалбахха хабар истілген, тилекейнің хыри-пазына сӧстер тарааннар.

Колоссадағыларға 1:23

Итсе, сірер киртіністе пик паза ікінҷілебес полыңар. Сірер искен Чахсы Хабарның ізенізінең хыйа полбаңар. Ол Чахсы Хабар тигір алтында прай чайалған нимее чарлалған. Мин, тізең, Павел, ол хабарның нымысчызы пол парғам.

Колоссадағыларға 1:6

Ол сӧс сірернің араңарда паза тиксі-тилекейде чӧрче. Ол, ӧзіп, ниміс пирче. Ідӧк сірер Худайның сын паарсазын піліп алған кӱннең пасти сірерде дее ол сӧс ниміс пирче.

Еврейлерге 1:6

Хаҷан Худай Позының тун Оолғын ах-чарыхсар ысханда, теен: «Прай Худай ангеллері Ағаа пазырзыннар».

Еврейлерге 2:5

Худай ангеллерні килер наа чуртас оңдайынаң устирға турғыспаан. Піс аннаңар чоохтапчабыс.

Азых чоох 14:6

Анаң мин, прай чир ӱстӱндегі кізілерге, полған на сӧӧкке, полған на тӧлге, полған на тілге, полған на чонға, хаҷан даа сын Чахсы Хабарны искірерге тіп, тигірҷе пӧзік учухчатхан пасхох ангелні кӧр салғам.

Азых чоох 16:14

Олар – танығлар кӧзітчеткен айналарның хуттары. Хуттар, Прай нимедең кӱстіг Худайның илбек кӱнінде полар чааға чир ӱстӱндегі прай ханнарны чыып аларға тіп, ханнарзар парчалар.

Азых чоох 3:10

Сыдамах полыңар тіп пирген чахиимны хайраллааныңар ӱчӱн, Мин дее сірерні сидік сыныхтағ тузынаң хайраллирбын. Ол сыныхтағ, чир ӱстӱндегі чоннарны сыныхтирға тіп, прай тилекейге ызылар.