11 кӧп чой ухаанҷы сых киліп, кӧп чонны алаахтыр салар.
Чабал ниме иртіре кӧп поларынаң, кӧп кізіде хыныс сооп парар.
Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.
Кӧп кізі Минің адымнаң аданып килер. «Мин Мессий-Христоспын!» тіп турарлар, кӧп чонны алаахтырып аларлар.
Чой ухаанҷылардаң китеніңер. Тастынаң кӧрзе, олар хойларға тӧӧйлер, че істінең олар пӱӱрлер осхастар!
Кӧп чой мессий-христостар паза чой ухаанҷылар сыға саларлар нооза. Худайның таллап алған кізілерін алаахтыр поларлар ба тіп, танығлар паза хайхастар идіп, кӧзідерлер.
Сірернің дее араңарда, ӱгренҷілерні постарының соонҷа апарыбызарға полып, саба чоохтанар кізілер табылар.
Тӱгенҷі тустарда хайзылары, чой чоохтығ хуттарға, айна ӱгредіглеріне сабылып, киртіністең хыйа парарлар тіп, Худай Худы чарых чоохтапча.
Че израиль чонының аразында чой ухаанҷылар полғаннар. Сағам даа сірернің араңарда чой ӱгретчілер сығызарохтар. Олар кізілерге ӧлім ағылчатхан ӱгредіглер чарлирлар паза оларны ӧлімінең садып алған Хан-пигнің ӱлгӱзіне тоғырланарлар. Анынаң постарын ӧлімге табырах ағыларлар.
Палаларым! Тӱгенҷі тус чит килді. Антихрист тилекейге килерінеңер сірер искезер. Амды кӧп антихристтер сых килгеннер, аның хоостыра піс тӱгенҷі тустың чит килгенін пілчебіс.
Мыны мин сірерні алаахтырарға итчеткен кізілердеңер пас пирдім.
Хынғаннарым! Чир ӱстӱне кӧп чой ухаанҷылар тарап парған, аннаңар, урунған на кізее киртінмин, сыннаң оларның пастыра Худай Худы чоохтанча ба тіп, сыныхтап турыңар.
Худайны улуғлабинчатханнарның піреелері сірернің араңарға кіріп алғаннар. Олар постарының чӧреес оңдайларын Худайның паарсазынаң ахтапчалар паза пістің Ээбіс полчатхан Худайнаң Хан-пигібіс Иисус Христосты хыйа итчелер. Ол кізілернің чарғыладарларынаңар Худай Пічиинде хаҷанох пазылған полған.
Анаң аң паза чой ухаанҷы туттыр салғаннар. Ол чой ухаанҷы, аңның алнында хайхастар идіп, аңның таңмазын турғыстырып алғаннарны паза аның омазына пазырғаннарны алаахтырған полған. Ол ікӧлең кӧйчеткен сералығ кӧлзер тірігеӧк тастатхан.
