Матфей 23:4 - Наа Молҷағ

⁴ Олар кізілерге аар паза апарарға сидік чӱктерні артыбысчалар, постары, тізең, оларға салааларынаң даа теңерге хынминчалар.

Матфей 23:4 ပူးပေါင်းရင်းမြစ်များ

Матфей 23:23

Хыйал сірерге, Моисей Чахии пілігҷілері паза фарисейлер! Чойырхостар! Сірер, мята, анис паза тмин ӧскіріп, Худайға онынҷы чардығын пирчезер, че Моисей Чахииның иң ӧӧн ӱгредиин – чарғыны, ӧлҷейні паза киртіністі – постарыңнаң хыйа тастапчазар. Сірер анзын идіп, мынзын даа ундубасха кирексер.

Матфей 23:3

Сірерге идерге чахаан нимелерні прай толдырып-идіп турыңар, че оларға кӧӧкпеңер: олар постары даа чоохтаан нимелерні итпинчелер.

Лука 11:46

Иисус, тізең, нандырған: – Сірерге дее, Моисей Чахии пілігҷілері, хыйал! Сірер кӧдірҷее чох аар чӱкті кізілерге артыбысчазар, постарың, тізең, ол чӱкке салаа даа узынаң теңминчезер.

Илҷілернің 15:10

Амды ноға сірер Худайны сынапчазар? Ӱгренҷілернің мойныларына пістің ӧбекелерібіс тее паза піс тее апар полбаан чӱкті сал пирерге кӱстенчезер?

Илҷілернің 15:28

Худай Худы даа, піс тее сірерге пасха чӱк артарға пір дее кирек чоғыл тіп сағынчабыс, че пу ла иң кирек нимелерні:

Галат чиріндегілерге 6:13

Че сӱннет иттірчеткеннер постары даа Моисей Чахиин толдырбинчалар нооза. Сірернең махтанарға полып, сірерні сӱннет иттіртчелер.

1 Иоанның 5:3

Худайның чахығларын толдырчатханыбыс Ағаа хынчатханыбысты таныхтапча. Аның чахығларын толдырарға, тізең, тың аар нимес.

Азых чоох 2:24

Сірерге, тізең, ол ипчінің ӱгредиинҷе полбин, сайтанның „тирең чазыттары“ тіп адалчатхан нимені пілбеен Фиатирдағы кізілерге, чоохтапчам: „Мин сірерге пасха аар-чӱк артпаспын“.