30 Кізілер, тіріл килзелер, ипчі албинчалар, ирге дее парбинчалар. Олар тигірдегі Худай ангеллері осхас поларлар.
Андада Пабазының хан-чирінде прай арығ чӱректіг кізілер, кӱн чіли, чарып турарлар. Кемнің исчең хулаа пар, иссін! –
Кӧріңер, пу кічіглернің пірдеезін хыйыхтабаңар. Тіпчем сірерге, оларның ангеллері хаҷан даа Тигірдегі Пабамның алнындалар. –
Ӱреп парғаннарның тірілерінеңер Худай сірерге чоохтаанын хығырбаазар ба?
Суғ тазар кӱннернің алнында Ной позының улуғ кимезіне одырыбысханынҷа, ідӧк чееннер, іскеннер, ипчі алғаннар паза ирге парғаннар.
Нойның позының илбек кимезіне одырыбысханына читіре, паза суғның, тазып, прайзын хырыбысхан тузына теере, олар прайзы, чіп, іскеннер, ипчі алып, ирге парғлааннар.
Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.