Матфей 21:31 - Наа Молҷағ

³¹ Пу ікі оолның хайзы пабазының чахиин толдырған? Ағаа тееннер: – Пастағызы. Иисус оларға теен: – Сынны сірерге тіпчем, албан чығҷаңнар паза чӧреечі ипчілер Худай хан-чирінзер сірердең пурун кірерлер.

Матфей 21:31 ပူးပေါင်းရင်းမြစ်များ

Матфей 12:50

Кем Тигірдегі Пабамның кӧңнін толдырча, ол Минің харындазым, пиҷем паза іҷем полча.

Матфей 18:3

теен: – Сынны тіпчем сірерге: постарыңның оңдайларыңны алыстырбазар, олған чіли пол парбазар, Тигір хан-чирінзер кір полбассар.

Матфей 20:16

Пу оңдайнаң, соондағылары паста пол парарлар, пастағылары, тізең, соонда пол парарлар. Кӧп кізі хығыртылған, че асхынах – таллағны ирткен.

Матфей 21:30

Анаң ол кізі, кічіг оолғынзар парып, ідӧк чоохтанған. «Амох парам, пабаң» тіп нандырған оолғы, че позы тоғынарға парбаан.

Матфей 5:18

Сынны сірерге чоохтапчам, тигірнең чир чіт парбаанда паза прай ниме чох пол парбаанда, Моисей Чахииндағы пір сӧс тее, пір танығ даа чітпес.

Матфей 5:46

Сірер позыңарға хынчатханнарға ла хынчатсар, Худай сірерге нименің ӱчӱн сыйых пирерге кирек? Албан чығҷаңнар даа ідӧк итчелер нимес пе зе?

Матфей 6:5

Пазырчатсаң, синагогаларда паза тасхар пірее пулуңда турып алып, кізі кӧзіне пазырарға хынчатхан чойырхостар чіли полба. Сынны тіпчем сірерге, олар постарының сыйыхтарын хаҷанох алып алғаннар.

Матфей 7:21

Мині «Хан-пигім! Хан-пигім!» тіпчеткен полған на кізі нимес, че Тигірдегі Пабамның кӧңнін не толдырчатхан кізі Тигір хан-чирінзер кіріп алар.

Матфей 9:9

Андартын килчеткенде, Иисус албан чығҷаң Матфей теен кізінің тоғыста одырчатханын кӧр салған. Анаң ағаа теен: – Минің соомҷа пар. Матфей, тур киліп, Аның соонҷа парған.

Лука 15:10

Ідӧк, тіпчем сірерге, Худай ангеллері пыросынчатхан чазыхтығ пір дее кізее ӧрінчелер.

Лука 19:22

Ээзі ағаа нандырған: «Мин сині синіңӧк сӧстеріңнең чарғылирбын, чабал чалҷы! Минің хатығ кізі полчатханымны, салбаан даа нимені алып алчатханымны, таарыбаан даа асты кизіп алчатханымны пілгезің.

Лука 7:29

Иисусты искен кізілернің прайзы, албан чығҷаңнар даа, Иоаннаң пастыра кіреске тӱзіп, Худайны саблаан.

Иоанн 3:3

Сынны чоохтапчам сағаа, кем Худайдаң хатап тӧреен, ол ла Худай хан-чиріне чидер, – нандырған ағаа Иисус. –

Иоанн 3:5

Сынны чоохтапчам сағаа, кем суғдаң паза Хуттаң тӧреен, ол ла Худай хан-чирінзер кір полар, – нандырған Иисус. –

Илҷілернің 17:30

Аннаңар Худай прай кізілерге, Аны пілбеен тустарға хайығ салбин, амды чазыхтарынаң хыйа полыбызарға чахыпча.

Римдегілерге 3:19

Піс пілчебіс, Худай Чахии чахығ хоостыра чуртапчатханнарға тееліп, пірдеезін удур чоохтандырбинча. Іди тилекей чоны Худайның алнында пыролығ пол парча.

Римдегілерге 5:20

Аның соонаң Чахығ пирілген. Іди чазыхтың кӧбі кӧзіділ парған. Чазых кӧптел парғанда, паарсас улам ас сыххан.

2 Петрның 3:9

Піреелері, Хан Худай молҷаан нимені соона салдырча тіп сағынчатханнары, алҷаастанчалар. Хан Худай, тыстанып ала, сағыпча. Ол пірдеезін ӧлзін тіп сағынминча. Худай прайзын, чазыхтарын тастап, Позынзар айланарға маңнан халзыннар тіп хынча.