Матфей 21:26 - Наа Молҷағ

²⁶ Че «Кізілердең» тізебіс, чоннаң хорғыстығ. Олар Иоанны ухаанҷы тіп улуғлапчалар нооза.

Матфей 21:26 ပူးပေါင်းရင်းမြစ်များ

Матфей 11:9

Ниме кӧрерге сірер чӧргезер? Ухаанҷыны ба? Йа, ол ухаанҷы, тіпчем сірерге, ухаанҷыдаң даа артых.

Матфей 14:5

Ирод аны ӧдірібізерге иткен, че Иоанны ухаанҷаа санаҷаңнар, аннаңар ол чоннаң хорыххан.

Матфей 21:11

Чон, тізең, нандырған: – Пу ухаанҷы Иисус. Ол Галилей чиріндегі Назареттең.

Матфей 21:25

Иоанның кіреске тӱзіргені хайдаң килген: Худайдаң ма алай кізілердең ме? Андада олар, пос аразында ӱзӱріп, чоохтасханнар: – «Худайдаң» тізебіс, Ол сурар: «Андағда ноға сірер Иоаннға киртінмеезер?»

Матфей 21:27

Андада олар Иисусха піди нандырғаннар: – Пілбинчебіс. Ол даа оларға теен: – Мин дее сірерге чоохтабаспын, пу нимелерні хайдағ ӱлгӱнең итчеткенімні. –

Матфей 21:46

Аны хаап аларға иткеннер. Че чон Аны ухаанҷаа санаан, аннаңар олар чоннаң хорыхханнар.

Марк 11:32

«Кізілердең» тирге, тізең, чоннаң хорыхханнар. Прай чон аны ухаанҷаа санаан.

Марк 12:12

Фарисейлер Иисусты тудып аларға сағын чӧргеннер, че чоннаң хорыхханнар. Олар пу кип-чоох постарынаңар полғанын сизінгеннер, аннаңар хыйа пас парыбысханнар.

Марк 6:20

Ирод, Иоанның арығ чӱректіг, Худайның ах-арығ кізізі полчатханын піліп, аннаң хорыххан паза хайраллаҷаң аны. Ол Иоанның сӧзінҷе кӧп ниме итчең паза аның чоохтарын хынып исчең.

Лука 20:19

Олох туста, Моисей Чахии пілігҷілері паза улуғ абыстар пу кип-чоохтың постарына чарыдылғанын сизініп, Иисусты хаап аларға иткеннер, че чоннаң хорыхханнар.

Лука 20:6

«Кізілердең» тіп чоохтанзабыс, андада чон пісті таснаң чаалир. Олар Иоанның ухаанҷы полчатханын ікінҷілебинчелер, нооза.

Лука 22:2

Моисей Чахии пілігҷілерінең улуғ абыстар Иисусты чох идерге оңдай тілееннер, че чоннаң хорыхханнар.

Иоанн 5:35

Иоанн, кӧйіп, чарыпчатхан сівечі осхас полған, сірер аның чариин ӧрчіліг удурлаазар, че ол ӱр нимеске полған.

Иоанн 9:22

Иудейлер Иисусты Мессий-Христос тіп адапчатхан кізілерні синагогадаң сығара сӱрерге пос аразында чоохтас салғаннар. Аннаңар паба-іҷезі, иудейлердең хорығып, «Ол мидееліг кізі, аннаң сурыңар» тіп нандырғаннар.

Илҷілернің 5:26

Андада хадағҷылар пастығы, нымысчыларынаң хада парып, кізілерге таснаң чаалаттырарынаң хорығып, илҷілерні, кӱснең нимес, олаңай ла ағыл килгеннер.