Матфей 21:19 - Наа Молҷағ

¹⁹ Анаң чол хазында пір смоковница ағазын кӧр салып, андар пастыр килген. Че анда пӱрлердең пасха пір дее ниме таппин, ағаа чоохтанған: – Синде чистек паза пір дее ӧспезін. Сах андох смоковница ағазы хуруп парған.

Матфей 21:19 ပူးပေါင်းရင်းမြစ်များ

Матфей 21:20

Ӱгренҷілері, аны кӧр салып, таңнап парғаннар: – Ноға смоковница іди кинетін хуруп парды? –

Марк 11:14

Андада Ол смоква ағазын харғаан: – Синің чистегіңні паза пірдеезі хаҷан даа чібезін. Ӱгренҷілері аны искеннер.

Марк 11:20

Иртен олох чолҷа иртчедіп, кӧрзелер, смоква чилегезінең ала хуруп партыр.

Лука 3:9

Мына, ағастар тӧзін кизе сабар палты чатча. Чахсы чистек пирбинчеткен полған на ағас, кизе сабылып, отха тасталар. –

Иоанн 15:2

Ол Миндегі чистек пирбинчеткен полған на салааны кизібісче, чистек ӧсчеткен полған на салааны, тізең, улам кӧп чистек пирзін тіп, арығлапча.

Иоанн 15:6

Мағаа киртінминчеткен кізі, чистек пирбинчеткен салаа чіли, тасталар паза хурир. Андағ салааларны, чыып алып, отха тастабысчалар, олар, тізең, кӧй парчалар.

2 Тимофейге 3:5

Худайға тудынаачыхтанарлар, че Аның кӱзін хыйа тастирлар. Андағлардаң оортах пол.

Титке 1:16

Олар Худайны пілчебіс тидірлер, че киректері пастыра чабал, тообас паза пір дее чахсы кирек ит полбас пол парғаннаңар, Худайдаң хыйа турчалар.

Иуданың 1:12

Сірер хада азыранчатхан чыылығларда олар суғ алтындағы хайалар осхас хорғыстығлар. Чоо сабыныбызарға ӱр нимес. Олар чил сӱр чӧрген, наңмырлары чох пулуттарға, кӱскӱде дее чистек пирбинчеткен, чирдең ходырыл парған ағастарға тӧӧйлер – тірілбеске ӧліглер.

Азых чоох 22:11

Кем сын ниме итпинче, ідӧк ле сын ниме итпезін; кем хомай нимелер идіп чуртапча, ідӧк ле чуртап парзын. Че кем сын ниме итче, ідӧк сын ниме итсін; кем ах-арығ кізі полча, ідӧк ах-арығ ползын.