Матфей 20:19 - Наа Молҷағ

¹⁹ Худайы чохтарның холына, кӱлзіннер, сохсыннар паза кіреске хазазыннар тіп, пирібізерлер. Че ӱзінҷі кӱнінде Ол тіріл килер.

Матфей 20:19 ပူးပေါင်းရင်းမြစ်များ

Матфей 12:40

Иона улуғ палыхтың істінде ӱс кӱн паза ӱс хараа хайди полған, ідӧк Кізі Оолғы чирнің істінде ӱс кӱн паза ӱс хараа полар.

Матфей 16:21

Ол тустаң пасти Иисус ӱгренҷілеріне Позының Иерусалимзер парарға кирек полчатханынаңар, анда ах сағаллардаң, улуғ абыстардаң паза Моисей Чахии пілігҷілерінең кӧп ирее кӧрерінеңер, соонаң оларға ӧдірт салып, ӱзінҷі кӱнінде, тізең, тіріл килерінеңер кӧні чоохтап пастаан.

Матфей 17:23

Олар Аны ӧдірібізерлер, ӱзінҷі кӱнінде, тізең, Ол тіріл килер. Ӱгренҷілері уғаа хомзын парғаннар.

Матфей 27:26

Андада пастых Варавваны позыдыбысхан. Иисусты, тізең, соғып, кіреске хазирға чарат салған.

Матфей 27:63

тееннер: – Пигібіс! Піс ол чойның тірігдӧк «Ӱс кӱн пазынаң Мин тіріл килербін» теенін сағысха кир килгебіс.

Марк 14:65

Хайзылары Ағаа тӱкӱргеннер, хараан чаба палғап, Аны саап ала чоохтанғаннар: – Че, ухаанҷыла амды! Нымысчыларынаң ала Иисусты наахтааннар.

Марк 15:1

Иртеніндӧк, улуғ абыстар, ах сағаллар, Моисей Чахии пілігҷілері паза прай ӧӧркі чарғы чӧптескен соонда, Иисусты, палғаттырып, Пилатсар апарғаннар.

Марк 15:15

Андада Пилат, чонның кӧңнін алып, Варавваны позыдыбысхан, Иисусты, тізең, соғып, кіреске хазап саларға чахаан.

Лука 18:32

Аны Худайы чохтарға пирібізіп, кӱліп, сӧклеп, Ағаа чапсыра тӱкӱрерлер.

Лука 23:11

Ирод позының чааҷыларынаң хада, Иисусты пір дее нимее салбин, Ағаа кӱліп, пай кип-азах кизіртіп, Пилатсар нандыра ызыбысхан.

Лука 24:46

оларға чоохтанған: – Пазылғанға кӧре, Мессий-Христос, ирееленерге, анаң, ӧдірт салып, ӱзінҷі кӱнінде тіріл килерге кирек.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Илҷілернің 21:11

Ол, піссер кір киліп, Павелнің хурын алып алып, позының азах-холларын палғабызып, теен: – Худай Худы піди тіпче: «Пу хурның ээзін Иерусалимде иудейлер, піди палғап алып, пасха чоннарның холына пирібізерлер».

Илҷілернің 4:27

Сынап таа, Ирод паза Понтий Пилат, Израиль чонынаң паза иудей ниместернең хада ол саарда чыылызып, Иисустаң, Синің Мессийге таллап алған Ах-арығ Нымысчыңнаң тоғыр полғаннар.