Матфей 2:11 - Наа Молҷағ

¹¹ Анаң олар, туразар кіріп, Час Паланы паза Аның іҷезін Марияны кӧр салғаннар. Тізекке тӱзіп, Аны аарлап, сундухтарын азып, Час Палаа сыйыхтарын пиргеннер: алтынны паза тадылығ чыстығ ладаннаң смирнаны.

Матфей 2:11 ပူးပေါင်းရင်းမြစ်များ

Матфей 1:18

Мына піди Иисус Христос тӧреен. Аның іҷезі Мария паза Иосиф хоных хонарға молҷас салған полғаннар, че Мария, хоных хонғалаххаох, Худай Худынаң азах аар пол партыр.

Матфей 12:46

Иисус турада чоннаң чоохтасчатхан туста, Аның іҷезінең харындастары, тасхар турып, Анынаң чоохтазып аларға хынғаннар.

Матфей 14:33

Кимеде одырғаннар, Иисуссар пас киліп, мӧкейіп пазырып чоохтанғаннар: – Син сынап таа Худай Оолғы полтырзың.

Матфей 2:2

Иудей ханы поларға тӧреен Пала хайдадыр? Піс, іскеркіде Аның чылтызын кӧр салып, Ағаа пазырарға килдібіс.

Лука 2:16

Олар, улуғ маңзытта Вифлеемзер киліп, Мариянаң Иосифті паза от салҷаңда чатчатхан Час Паланы таап алғаннар.

Лука 2:38

Олох туста ол, оларзар пас киліп, Хан Худайны саблаан паза Иерусалимні арачылирын сағыпчатхан кізілерге Иисустаңар чоохтаан.

Иоанн 19:39

Никодим дее килген. Ол хаҷан-да Иисуссар хараазын кил парған полған. Амды ол пір чӱс литра алоэ паза смирна хайағынаң иділген порағны ағыл килген.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.

Азых чоох 5:8

Ол аны алып алғанда, тӧрт аң паза чибіргі тӧрт ах сағал Хурағанның алнында тӱңдере тӱскеннер. Оларның полғанының на холында хомыс паза тадылығ чыстығ оттығ алтын чірче полған. Ол тадылығ чыстығ оттар ах-арығ кізілернің Худайны сабландырчатхан сӧстернең пазырғанын таныхтапчалар.