Матфей 19:28 - Наа Молҷағ

²⁸ Иисус оларға теен: – Сынны чоохтапчам сірерге: хаҷан Худай прай нимені нааҷылаза, Кізі Оолғы Позының сабланыс ӱлгӱ сіреезіне одырза, сірер дее, Минің соомҷа чӧргеннер, ідӧк он ікі ӱлгӱ сірее одырып, Израильнің он ікі сӧӧгін чарғылирзар.

Матфей 19:28 ပူးပေါင်းရင်းမြစ်များ

Матфей 16:27

Кізі Оолғы Позының Пабазының сабланызында паза Аның ангеллерінең хада килер. Андада полғанына ла иткен киректері хоостыра пирер.

Матфей 19:27

Андада Пётр Иисусха теен: – Мына піс, прай нимебіс тасти, Синің сооңҷа чӧрчебіс. Андағда піске аның ӱчӱн ниме полар?

Матфей 20:21

Ниме кирек сағаа? – сурған ол ипчідең Иисус. – Сӧс пир мағаа: хан пол парзаң, пу ікі оолғымның пірсі Синің оң сариңда, ікінҷізі, тізең, сол сариңда одырарлар, – нандырған Ағаа ол ипчі. –

Матфей 25:31

Хаҷан Кізі Оолғы Позының сабланызында паза Аннаң хада прай ах-арығ ангеллері чиде салзалар, андада Ол Позының сабланыстығ ӱлгӱ сіреезіне одырыбызар.

Матфей 6:33

Сірер, тізең, аның орнына Худай хан-ӱлгӱзін паза Худайның кӧңні толарын тілеңер, пасхазы, тізең, сірерге хоза пирілер.

Матфей 8:20

Андада Иисус ағаа піди тіпче: – Тӱлгӱлернің іннері пар, тигірдегі хустарның – уйалары, че Кізі Оолғының, пазын хыйын салып, тынанып алҷаң орны чоғыл.

Марк 10:37

Синің ӱлгӱң килзе, пірсібіске Синің ӱлгӱ сірееңнің оң сариңда, пірсіне сол саринда одыр саларға чарат, – нандырғаннар Ағаа олар.

Илҷілернің 3:21

Худайның хас-хаҷанох чуртаан ах-арығ ухаанҷылары пастыра искірген нимелерінің прайзы тол парар тусха теере, Иисус тигірде поларға кирек.

2 Тимофейге 2:12

Ирееленістерні сыдас парыбыссабыс, Аннаңох хада ӱлгӱ тударбыс. Тӧдір пассабыс, Ол даа пістең тӧдірленер.

2 Петрның 3:13

Піс, тізең, Хан Худай молҷаан наа тигірні паза наа чирні сағыпчабыс. Анда прай кізілер Худайның оңдайынҷа чуртирлар.

Азых чоох 11:16

Худайның алнындағы ӱлгӱ сіреелерінде одырчатхан чибіргі тӧрт ах сағал, тӱңдере тӱзіп, Худайға пазырғаннар.

Азых чоох 12:1

Мына тигірде илбек танығ кӧрін килген – кӱнні кис салған ипчі кізі. Аның азахтарының алтында ай полған, пазында, тізең, он ікі чылтыстаң иділген венок.

Азых чоох 20:4

Мин ӱлгӱ сіреелерін паза чарғылаҷаң ӱлгӱ пирілген кізілернің анда одырчатханнарын кӧр салғам. Олар, Иисустаңар паза Худай сӧзінеңер киречілееннері ӱчӱн, мойныларын ӱзе саптырған кізілернің хуттары полғаннар. Олар аңа паза аның омазына пазырбааннар, хамахтарына алай холларына аның таңмазын турғыстырбааннар. Олар тіріл килгеннер паза Христоснаң хада пір муң чыл ӱлгӱ тутханнар.

Азых чоох 21:5

Ӱлгӱ сіреезінде одырчатхан Худай чоохтанған: – Мин прай наа нимелерні чайапчам! Анаң мағаа хосхан: – Пас сал! Пу сӧстер сын паза орта.

Азых чоох 22:2

Саарның ӧӧн орамының ортызынҷа ахчатхан суғның ікі саринда чуртас ағазы ӧскен. Ол ағас чылда он ікі хати чистек пирче, полған на айның позының нимізі полҷаң. Ағастың пӱрлері, тізең, чоннарны имнирге чараҷаңнар.

Азых чоох 22:5

Анда хараа паза полбас. Кізілерге чарытхы алай кӱн чарии пір дее кирек чох полар. Ӧӧркі Чайаачы – Худай оларны чарыдар нооза. Олар хаҷан даа ӱлгӱ тударлар.

Азых чоох 3:21

Чиңіс тутхан кізее ӱлгӱ сіреемде Позымнаң хада одырар оңдай пирербін, Мин дее іди, чиңіс тудып, Пабамнаң хада Аның ӱлгӱ сіреезіне одырғам.

Азых чоох 4:4

Ол ӱлгӱ сіреезінің ибіре чибіргі тӧрт ӱлгӱ сіреезі. Анда ах кип-азахтығ чибіргі тӧрт ах сағал, пастарына алтын венок кис салып, одырған.

Азых чоох 7:4

Мин іди таңмалатханнарның санын ис салғам. Оларның саны 144 муң кізі полған, олар Израильнің прай тӧллерінің кізілері полғаннар.