Матфей 18:4 - Наа Молҷағ

⁴ Кем, позынаңар улуғсырхап сағынмин, пу пала чіли тудынча, ол Тигір хан-чирінде иң улии поладыр.

Матфей 18:4 ပူးပေါင်းရင်းမြစ်များ

Матфей 18:1

Ол туста ӱгренҷілері, Иисуссар пас киліп, Аннаң сурғаннар: – Андағда Тигір хан-чирінде иң улии кем полча?

Матфей 18:3

теен: – Сынны тіпчем сірерге: постарыңның оңдайларыңны алыстырбазар, олған чіли пол парбазар, Тигір хан-чирінзер кір полбассар.

Матфей 18:5

Мині аарлап, мындағ паланы позына чағын кирген кізі, Мині дее позына чағын итче.

Марк 10:43

Сірернің араңарда андағ ниме полбазын: кем улии поларға харасча, анзы нымысчы ползын сірерге.

Марк 9:34

Ӱгренҷілері тапсабааннар. Чол парчадып, олар постары аразында кем улии тіп талас парғаннар.

Лука 14:11

Андағ нооза, кем позы позын пӧзік паалапча, аны тӧбін тӱзірерлер, че кем позы позын тӧбін паалапча, анзын пасхалары ӧӧр кӧдірерлер.

Лука 9:48

оларға піди теен: – Мині аарлап, пу паланы позына чағын кирген кізі Мині дее позына чағын итче. Мині позына чағын иткен кізі Мині ысхан Худайны даа позына чағын итче. Кем сірернің араңарда иң кічіг, ол улии пол парар.

Иаковтың 4:10

Худайның алнында чамараңар, ол сірерні ӧӧрледібізер.

1 Петрның 5:5

Сірер дее, чииттер, улуғларның чооғын исчедіңер. Удур-тӧдір пазымнығ хайызыңар. Худай кӧкеесімнердең тоғыр кӱресче, пазымнығларға, тізең, паарсазын читірче.