Матфей 18:17 - Наа Молҷағ

¹⁷ Оларны даа испинчетсе, андада прай нимені тигіриб чонына чоохта. Тигіриб чонының дее сӧзін испинчетсе, син аны Худайы чох алай албан чығҷаң кізее сана.

Матфей 18:17 ပူးပေါင်းရင်းမြစ်များ

Матфей 10:3

Филиппнең Варфоломей, Фоманаң албан чығҷаң Матфей, Алфейнің оолғы Иаковнаң Фаддей тіп ады-солалығ Леввей.

Матфей 11:19

Кізі Оолғы, киліп, чиис тее чіпче, хызыл араға даа ісче. Ағаа тіпчелер: «Пу кізі чиис чиирге паза араға ізерге хынча. Ол чазыхтығларның паза албан чығҷаңнарның арғызы». Че Худайның хыйғазынаңар аның палалары киречілепчелер.

Матфей 5:46

Сірер позыңарға хынчатханнарға ла хынчатсар, Худай сірерге нименің ӱчӱн сыйых пирерге кирек? Албан чығҷаңнар даа ідӧк итчелер нимес пе зе?

Матфей 6:7

Худайзар сурынып айланчатсаң, пасха худайлығлар чіли, кӧп чоохтанма. Кӧп чоохтанзалар, оларның худайлары оларны истер тіп сағынчалар.

Лука 15:1

Албан чығҷаңнарның паза чазыхтығларның прайзы Иисусты истіп аларға килҷең.

Лука 18:11

Фарисей, турып алып, позы алынҷа піди пазырған: «Худай! Пасха кізілер осхас тонағҷы, хыйыхтағҷы, кізінең чӧреечі алай албан чығҷаң пу кізі осхас полбинчатханым ӱчӱн, алғыстапчам Сині.

1 Коринфтегілерге 5:9

Мин пічиимде сірерге сайбахтарнаң піліспеске тіп пасхан полғам.

1 Коринфтегілерге 6:1

Піреезі, пасха кізінең тартыс салып, ах-арығларда чарғыласпин, сын нимес кізілерде чарғылазарға хайди тідінче полҷаң?

2 Фессалониктегілерге 3:6

Хан-пигібіс Иисус Христостың адынаң чахыпчабыс: арғаас, піс пирген кибір хоостыра чуртабинчатхан харындастаң хыйа парыңар.

1 Тимофейге 6:5

Тик тартыстар сағыстаң кинем, сын ӱгредігдең оортах турған кізілердең тӧріпчелер. Олар Худайға салынғаны парыс аларына кирек тіп сағынчалар. Андағлардаң оортах тудын.