Матфей 17:20 - Наа Молҷағ

²⁰ Иисус, тізең, оларға теен: – Киртіністерің чохтаңар. Сынны тіпчем сірерге: киртіністерің горчицаның ӱренінҷе дее полған полза, пу таға «мыннаң тігзер чыл парыбыс» теен ползар, ол чыл парыбызарҷых. Андада сірер ит полбас ниме чох полар.

Матфей 17:20 ပူးပေါင်းရင်းမြစ်များ

Матфей 13:31

Анаң Иисус пазох пасха кип-чоох чоохтап пирген: – Тигір хан-чирі кізі позының хыразында таарып салған горчица ӱреніне тӧӧй.

Матфей 14:29

Кил! – теен Иисус. Пётр, кимедең сығып, суғҷа Иисуссар пар сыххан.

Матфей 17:17

Йо-о, пу киртізі чох паза ардап парған тӧл! Нинҷезін Мин сірернең хада поларбын? Хаҷанға теере сірернең сыдазим? Ағылыңар аны пеер, Минзер, – нандырған Иисус.

Матфей 17:19

Анаң ӱгренҷілері, Иисус чалғызан халғанда, андар пас киліп, сурғаннар: – Ноға піс айнаны сығара сӱр полбаабыс?

Матфей 17:9

Тағдаң ин килчеткеннерінде, Иисус оларға мындағ чахығ пирген: – Кізі Оолғы, ӧл парып, хатап тіріл килгенҷе, кӧрген пу нимедеңер пірдеезіне чоохтабаңар.

Матфей 21:21

Сынны сірерге тіпчем, сірер киртінчетсеңер паза ікінҷілебинчетсеңер, пу ағас хайди пол парды, ідӧк ит поларзар, пу таға даа «кӧдіріліп, талайзар тӱс пар» тізеңер, ол тӱзер, – нандырған оларға Иисус.

Матфей 8:26

Ноға іди тың хорых пардар? Киртіністерің пу ла син ме? – нандырған Иисус. Анаң тур киліп, чилнең кӧлні тызып, амырирға чоохтаан. Сах андох ап-амыр пол парыбысхан.

Марк 11:22

Иисус оларға нандырған: – Худайға киртініңер.

Марк 11:23

Сынны чоохтапчам сірерге, кем тігі таға «кӧдіріліп, талайзар тӱс пар» тізе паза чооғы хоостыра поларын пір дее ікінҷілебезе, прай чӱреенең киртінзе, аның сӧзінҷе полар.

Марк 4:31

Ол горчица ағазының ӱрені осхас. Ол, таарылчатса, чир ӱстӱндегі ӱреннернің прайзынаң кічіг.

Марк 9:23

Иисус ағаа нандырған: – Ноға іди «пірее ниме ит ползаң» тіпчезің? Киртінчеткен кізее прай ниме толдырылҷаа пар.

Лука 1:37

Худайның пір дее сӧзі тикке пола чоғыл. –

Лука 17:6

Хан-пиг теен: – Сынап сірер, горчицаның ӱренінҷе дее киртініп, пу смоковница ағазына «Мыннаң ходырылып, талайда одыртыл пар!» тіп чоохтанған ползаңар, ол чооғыңарны истерҷік.

Лука 18:27

Кізілер ит полбас нимені Худай ит полар, – нандырған Иисус.

Иоанн 11:40

Тібедім ме сағаа: «Киртінзең, Худайның сабланызын кӧрерзің», – чоохтанған Иисус.

1 Коринфтегілерге 12:9

Хайзына-да олох Хуттаң киртініс, пасхазына олох Хут пастыра чазылдырары сыйыхха пирілче,

1 Коринфтегілерге 13:2

Ухааннирым пар полза паза прай чазыттарны пілчетсем, ноо даа піліс алчатхан ползам, тағларны орнынаң тибіредерге кӱс пирчеткен прай киртініс минде полза, че хынызым чох полза, тик-хуруғ кізібін.

Еврейлерге 3:19

Ам піс кӧрчебіс: олар Худай молҷаан орынға киртініс чохтарынаңар кір полбааннар.