Матфей 17:2 - Наа Молҷағ

² Анаң Ол оларның кӧзіне алыс сыххан: сырайы, кӱн чіли, чарып килген, кип-азаа чарых осхас ах пол парыбысхан.

Матфей 17:2 ပူးပေါင်းရင်းမြစ်များ

Матфей 17:1

Алты кӱн пазынаң Иисус, Пётрны, Иаковты паза аның харындазы Иоанны, позынаң хада алып, пӧзік тағзар апарған. Анда олардаң пасха кізі чох полған.

Матфей 17:3

Анаң олар Иисуснаң чоохтасчатхан Моисейнең Илияны кӧр салғаннар.

Матфей 28:3

Сырайы аның чалын чіли чараан, кип-азаа, тізең, хар осхас аппағас полған.

Марк 9:3

Аның кип-азаа чылтырах паза хар осхас аппағас пол килген. Пу чир ӱстӱнде ис ағартчаңнарның пірдеезі іди ағарта чууп полбас ах полғаннар олар.

Лука 9:29

Ол пазырчатхан туста Аның сырайы алыс парған, кип-азаа, тізең, чылтырама ах пол парыбысхан.

Иоанн 1:14

Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

Иоанн 17:24

Пабам! Мағаа пирген кізілерің Минің полчатхан чирімде Миннең хада ползыннар тіп сурынчам. Чир-чайаан чайалғалахтох, Мағаа хынғаныңнаңар, Син Мағаа сабланызыңны пиргезің. Пу сабланысты даа оларға кӧзідерге сурынчам.

Римдегілерге 12:2

Пу тилекейнің оңдайынҷа чуртабаңар, че сағыс-кӧгістеріңні нааҷылап, постарыңны алыстырыңар. Андада сірер Худайның кӧңні хайдағ полчатханын сынап аларзар: ниме Ағаа чахсы, чаразых паза кӧңніне толдыра.

Азых чоох 10:1

Анаң мин тигірдең тӱсчеткен уғаа кӱстіг ангелні кӧр салғам. Ол позы пулутнаң прай туу тартыл парған полған, аның пазының ӱстӱнде, тізең, тигір хуры чараан. Аның сырайы кӱн осхас, азахтары чалыннап кӧйчеткен ағас осхас полғаннар.

Азых чоох 20:11

Анаң мин ах ӧңніг илбек ӱлгӱ сіреезін паза анда одырчатхан Худайны кӧр салғам. Тигірнең чир Аннаң тискеннер. Оларға мында орын чох полған.