Матфей 15:31 - Наа Молҷағ

³¹ Чон, тіл чохтарның чоохтан сыхханын, кинектернің хазыхтан парғанын, ахсахтарның пас чӧр сыхханын, харах чохтарның кӧр сыхханын кӧріп, хайхап, Израиль Худайын саблаан.

Матфей 15:31 ပူးပေါင်းရင်းမြစ်များ

Матфей 15:30

Анаң кӧп чон, постарынаң хада ахсахтарны, харах чохтарны, тіл чохтарны, кинектерні паза даа пасха ағырыға пастырчатханнарны Иисуссар ағылып, оларны Аның азағын алдыра салғаннар. Анзы, тізең, оларны имнебіскен.

Матфей 18:8

Холың алай азааң сині чазыхха сухчатса, син оларны, кизе саап, оортах тастабыс. Успас отха ікі азахтығ паза ікі холлығ тастаттыртханҷа, чуртасха хол чох алай азах чох кірзе, сағаа артых поларҷых.

Матфей 21:14

Храмда Иисуссар харах чохтар паза ахсахтар пастыр килгеннер. Ол оларны имнебіскен.

Матфей 8:10

Иисус, аны истіп, таңнап, соонҷа парчатханнарға теен: – Сынны сірерге тіпчем, Мин Израильде дее мындағ киртіністіг кізее тоғаспаам.

Матфей 9:32

Олар сых париғаннарындох, Иисуссар тілі чох, айнаа хаптырған кізіні ағыл килгеннер.

Матфей 9:33

Айнаны сығара сӱрдӧк, ол кізі чоохтан сыххан. Кізілер, ол нимее хайхап, чоохтасханнар: – Израиль чирінде мындағ ниме хаҷан даа полбаан полған.

Матфей 9:8

Анзын кӧрген кізілер уғаа таңнап парғаннар. Чазых позытчаң паза имнеҷең ӱлгӱні кізілерге пиргені ӱчӱн, Худайны саблааннар.

Марк 2:12

Ол кізі, тур киліп, сах андох тӧзегін алып, прайларының кӧзіне сых парыбысхан. Кізілер, аны кӧріп, чоо хайхазып, Худайны саблааннар. – Піс андағ ниме хаҷан даа кӧрбеен полғабыс, – тіп чоохтасхлааннар.

Марк 7:37

Кізілер, тың хайхазып, чоохтасхлааннар: – Прай нимені чахсы итче: туныхтарын истер иде, тіл чохтарын чоохтазар иде.

Марк 9:43

Сынап сині холың чазыхха сухчатса, ӱзе сабыс аны. Мӧгі чуртасха кинек кіргені кӧйчеткен кӧлзер, успас отсар ікі холлығ тастатханнаң артых полар.

Лука 14:13

Че той итчетсең, чох кізілерні, кинектерні, ахсахтарны, харах чохтарны хығыр.

Лука 14:21

Чалҷы, айлан киліп, ээзіне прай ол нимені искір пирген. Ээзі, тарын парып, чоохтанған: «Андағда, саарның улуғ-кічіг орамнарынҷа табырах парып, чох кізілерні, кинектерні, ахсахтарны паза харах чохтарны хығыр кил!»

Лука 18:43

Сах андох ол кізі кӧр сыххан. Анаң, Худайны саблап, Иисустың соонҷа парған. Прай чон, пу нимені кӧріп, Худайны саблаан.

Лука 7:16

Прайзы, хорых парып, Худайны саблап, чоохтанған: «Пістің арабыста Илбек Ухаанҷы», «Худай Позының чонынзар килтір».

Иоанн 9:24

Андада харах чох полған кізіні ікінҷі хати хығырып, тееннер: – Сынны чоохтирға сӧс пир! Иисустың чазыхтығ полчатханын пілчебіс. –