Матфей 13:44 - Наа Молҷағ

⁴⁴ Тигір хан-чирі чазыда кӧӧм салған алтын-кӱмӱске тӧӧй. Кізі, аны таап алып, хатап чазырып, ӧрінгенінең позының прай ниме-ноозын садыбызып, ол чазыны садызып алча.

Матфей 13:44 ပူးပေါင်းရင်းမြစ်များ

Матфей 13:24

Анаң Иисус хоза пір кип-чоох чоохтап пирген: – Тигір хан-чирі хыразында маңат ӱреннер таарып салған кізее тӧӧй.

Матфей 13:46

Пір аарлығ нинҷіні таап алып, ол, прай позының ниме-ноозын садыбызып, ол нинҷіні садып алча. –

Матфей 13:47

Тигір хан-чирі талайзар тасталған паза аймах-пасха палыхтарны сӱӱп алған улуғ сӧзірбее дее тӧӧй.

Матфей 19:21

Иисус теен ағаа: – Син ӧтіре чахсы кізі поларға сағынчатсаң, парып, пар-чох нимеңні прай садыбызып, ахчаңны чох кізілерге ӱлебіс, андада пайың тигірде полар. Анаң киліп, Минің соомҷа пар.

Матфей 19:27

Андада Пётр Иисусха теен: – Мына піс, прай нимебіс тасти, Синің сооңҷа чӧрчебіс. Андағда піске аның ӱчӱн ниме полар?

Матфей 19:29

Полғаны ла, кем Минің ӱчӱн иблерін, харындастарын алай пиҷелерін, пабазын алай іҷезін, ипчізін алай палаларын, алай чирлерін артыс салған, ол кізі чӱс хати артых сыйых алар паза ағаа мӧгі чуртас пирілер.

Матфей 6:21

Ис-пайың хайда, чӱреең андох полар нооза.

Лука 14:33

Аннаңар сірернің пірдеезіне, пар нимезінең хыйа полбаанда, Минің ӱгренҷім поларға киліспес.

Иоанн 6:35

Мин чуртас пирчеткен халаспын. Минзер килчеткен кізінің хаҷан даа азыранары килбес паза Мағаа киртінчеткен кізі хаҷан даа сухсабас.

Римдегілерге 15:4

Алында пазылған ниме пісті ӱгреде пазылған. Худай Пічии пирчеткен тыстаныс паза часхарыс пастыра ізеніс аларыбыс ӱчӱн пазылған анзы.

Колоссадағыларға 2:3

Анда хыйғаның паза пілістің пар-чох пайы чазырылых.

Колоссадағыларға 3:16

Христостың сӧзі толдыразынаң сірерде чӧрзін. Удур-тӧдір пар-чох хыйғаңарнаң ӱгредізіңер паза сағыс алындырызыңар. Худайны саблапчатхан ырлар паза сарыннар ырлап, чӱрееңерде Хан-пигні алғыстап, Ағаа сарнаңар.

Еврейлерге 10:34

Сірер мағаа, пиктегде полғанымда, полысхазар паза ис-пайыңар пыластырғаннарыңда, ӧрінгезер: сірернің тигірде аннаң артых, хаҷан даа тоозылбас пайыңар парын пілгезер нооза.

Азых чоох 3:18

Аннаңар чӧп пирчем сірерге Миннең садып аларға: кӧйчеткен отнаң арығлалған алтынны пайир ӱчӱн; ах кип-азахты, кизіп алып, уйадыстығ хуба чалаазыңарны чабар ӱчӱн; имніг сӱрткіні, харахтарыңны сӱртіп, кӧрер ӱчӱн.