Матфей 13:23 - Наа Молҷағ

²³ Чахсы чирге тоолаан тамах, тізең, сӧсті исчеткен паза піл полчатхан кізіні таныхтапча: ол ӱрен пирче, піреезі чӱс хати, пасхалары алтон алай отыс хати кӧп.

Матфей 13:23 ပူးပေါင်းရင်းမြစ်များ

Матфей 12:33

Чахсы ағастың чистектері дее чахсы поладыр; ағас хомай полза, аның чистектері дее хомай поладыр. Ағасты чистегінең піледірлер нооза.

Матфей 13:8

Піреезі, чахсы чирге тӱс парып, ниміс пирген: хайзы чӱс хати, хайзы алтон хати, хайзы отыс хати кӧп.

Матфей 3:10

Ағастар тӧзінде палты чатча. Чахсы чистек пирбинчеткен полған на ағас, кизе сабылып, отха тасталар.

Матфей 3:8

Чазыхтарыңнаң хыйа полчатханын киречілир ӱчӱн, турыстығ киректер идіңер.

Марк 10:15

Сынны чоохтапчам сірерге, Худай хан-ӱлгӱзін олған чіли удурлабааннары Худай хан-чирінзер хаҷан даа кір полбастар.

Марк 4:20

Чахсы чирге таарылған ӱрен, тізең, сӧсті истіп, аны чӱрекке чағын алынғаннарны таныхтапча. Андағлар отыс хати, алай алтон хати, алай чӱс тее хати кӧп ниміс пирчелер.

Лука 13:9

Арса, андада чистегі сығар, сыхпаза, тізең, тігі чыл узуртыбызарзың».

Лука 8:15

Чахсы чирге тӱскен ӱреннер, тізең, – Худайның сӧзін истіп, аны чағбан паза арығ чӱректерінде хайраллапчатхан кізілер. Сидіктерге сыдазып, улуғ туза ағылчалар. Іди чоохтап, Иисус піди тоосхан: – Исчең хулаа пар кізі, иссін! –

Лука 8:8

Паза пасхазы чахсы чирге тӱскен. Олар, ӧзіп, полғаны ла чӱс хати кӧп ниміс пиргеннер. Пу кип-чоохты чоохтап, Иисус піди тоосхан: – Хулаа пар кізі, иссін! –

Иоанн 15:16

Сірер Мині таллап албаазар, Мин сірерні таллап алғам. Сірерні, чонзар парып, мӧгі туза итсіннер тіп турғысхам. Прай пу нимелерні идіп, Минің ӱгренҷілерім ползаңар, Пабамнаң ниме дее сурзаңар, Ол сірерге аны пирер.

Иоанн 8:47

Кем Худайдаң, ол Худайның сӧзін исче. Сірер Худайдаң нимессер, аннаңар чоох испинчезер.

Илҷілернің 16:14

Оларның аразында Фиатир саардаң аарлығ хызыл ис сатчаң паза Худайны улуғлапчатхан Лидий тіп пір ипчі истіп одырған. Хан Худай, тізең, Павелнің чооғын оңарзын тіп, ол ипчінің чӱреен ас пирген.

Илҷілернің 17:11

Мындағылар фессалониктегілернің хыринда арығ сағыстығ полғаннар: олар, кӱннің сай Худай Пічиин хығырып, андағ ба, андағ нимес пе тіп сыныхтап ала, Чахсы Хабарны хынып алғаннар.

2 Коринфтегілерге 9:10

Таарыпчатхан кізее Худай ӱрен дее, чиир халазын даа пирче. Олох оңдайнаң, Ол сірерге ӱлесчең ниме пирер паза аны кӧптелдірер. Андада пирерге тимделеріңнің тузазы пай полар.

Филипптегілерге 1:11

Худайның сабланызы, махтазы ӱчӱн Иисус Христостың пастыра чахсы киректерге пай поларзар.

Филипптегілерге 4:17

Мин пирерін кирексеенімнеңер нимес, че киректерің сірерге туза ағылзын тіп сағынғанымнаңар.

Колоссадағыларға 1:10

Сірерні Худайға турыстығ ползыннар тіп сағынчабыс. Прай нимеде Аның кӧңнінҷе хылынзыннар, ноо даа нимеде чахсы киректернең нимістіг полып, Худайны пілерін алғытсыннар тіп сурынчабыс.

Колоссадағыларға 1:6

Ол сӧс сірернің араңарда паза тиксі-тилекейде чӧрче. Ол, ӧзіп, ниміс пирче. Ідӧк сірер Худайның сын паарсазын піліп алған кӱннең пасти сірерде дее ол сӧс ниміс пирче.

1 Фессалониктегілерге 4:1

Мының соонаң, харындастар, Христос Иисустың адынаң алданчабыс сірердең, хайди поларынаңар паза Худайның кӧңнінҷе ниме идерінеңер пістең кӧзідім алып, пу киректе маңнанысха чит турыңар.

2 Фессалониктегілерге 2:10

Арачыланыс пирчеткен сын сӧстерге хынмааннаңар паза алынмааннаңар, ӧлімге парчатхан кізілерні алаахтырып алар ӱчӱн, ол аймах чабал оңдайларнаң тузаланар.

Еврейлерге 4:2

Піске дее, Моисейнең хада парғаннарға чіли, Чахсы Хабар читірілген. Че олар искен нимені посха албааннар, киртінмееннер. Аннаңар оларға ол хабар туза полбаан.

Еврейлерге 6:7

Наңмыр кӧп хати суғлаан чир, анда тоғынчатхан кізілерге тузалығ ӧзімнер ӧскіріп, Худайның алғызын алча.

Еврейлерге 8:10

Хан Худай ідӧк тіпче: Килер кӱннерде Израиль чонына пирҷең Молҷаам мындағ полар: Минің чахығларымны оларның сағыстарына сиир саларбын, чӱректерінде пас саларбын. Мин оларның Худайы поларбын, олар, тізең, Минің чоным поларлар.

2 Петрның 3:18

Хан-пигібіс паза Арачылағҷыбыс полчатхан Иисус Христостың паарсазы паза Аны пілері сірерге хозылзын. Ағаа сағам даа паза хаҷан даа сабланыс ползын. Аминь.

1 Иоанның 5:20

Худай Оолғының, піссер киліп, сын Худайны піліп алар сағысты піске пиргенін пілчебіс. Піс сын Худайдабыс, Аның Оолғы Иисус Христостабыс. Ол – сын Худай паза мӧгі чуртас.