Матфей 13:17 - Наа Молҷағ

¹⁷ Сынны сірерге тіпчем, кӧп ухаанҷыларның паза арығ чӱректіг кізілернің сірер кӧрчеткен нимені кӧрерлері килген, че кӧрбееннер, сірер исчеткен нимелерні истерлері килген, че испееннер.

Матфей 13:17 ပူးပေါင်းရင်းမြစ်များ

Лука 10:23

Анаң, ӱгренҷілерінзер айланып, оларға ла чоохтанған: – Сірер кӧрчеткен нимені кӧрчеткеннер – часкалығлар!

Лука 10:24

Тіпчем сірерге, кӧп ухаанҷыларның паза ханнарның сірер кӧрчеткен нимені кӧрерлері килген, че кӧрбееннер, сірер исчеткен нимелерні истерлері килген, че испееннер.

Иоанн 8:56

Авраам пабаңар Минің чир-чалбахха килер кӱнімні кӧріп аларына тың ӧрінген. Аны кӧріп алып, часкалығ полған. –

Еврейлерге 11:13

Піс чоохтапчатхан пу кізілер, Худайға киртініп ала, ӧл парғаннар. Олар Худай молҷаан нимені сахтап полбааннар. Молҷаан нимелерні ырахтын на кӧріп, ӧрінгеннер. Олар постарын пу чирге килген пасха чонмыс тіп санааннар.