Матфей 12:45 - Наа Молҷағ

⁴⁵ Андада ол, парып, позынаң хай-хай чабал ам даа читі айнаны хығырып, кізі істіне кіріп, анда чуртап сығадыр. Мынзы, тізең, ол кізее пастағызының хыринда улам хомай поладыр. Пу чабал тӧлнең ідӧк полар.

Матфей 12:45 ပူးပေါင်းရင်းမြစ်များ

Матфей 12:24

Фарисейлер, тізең, мынзын истіп, тееннер: – Ол айналарны айналар ханы Веельзевул пирген кӱснең не сығара сӱрче полар.

Матфей 12:44

Андада ол тіпче: «Мин позымның сыххан турамзар нандыра айланим». Айлан киліп, кӧрзе, ол туразы пос, сыбырыл парып, арығ турча.

Матфей 17:21

Ол осхастарны, тізең, молитванаң паза оразанаң на сығара сӱр поларзар.

Матфей 23:15

Хыйал сірерге, Моисей Чахии пілігҷілері паза фарисейлер! Чойырхостар! Сірер, талайлар паза чирлер ибіре чӧріп, постарыңа ӱгренҷілер тілепчезер. Піреезін таап алзар, тізең, аны ӱгредииңерге айландырып, постарыңнаң ікі хати хомай ит салып, кӧйчеткен кӧлзер тастатчаң кізі итчезер.

Матфей 23:24

Харах чох устағҷылар! Сарығ сеектерні сӱӱп, тастапчазар, тибелерні, тізең, азырчазар!

Марк 16:9

Неделяның пастағы кӱнінде иртен ирте Иисус тіріл парған. Пастап Ол хаҷан-да читі айна-чигін сығарған Мария Магдалинаа кӧрін парған.

Марк 5:9

Иисус сурған аннаң: – Адың синің кемдір? Чабал хут нандыр пирген: – Піс кӧптеңер адым минің Тӱбен.

Лука 11:26

Андада ол, парып, позынаң даа чабал читі айнаны ағыл киліп, ол турада чуртап сыхчалар. Мынзы, тізең, ол кізее пастағызының хыринда улам хомай поладыр.

Ефестегілерге 6:12

Піс олаңай кізілердең тоғыр чааласпинчабыс, анзын піліңер. Піс тигірдең тӱскен пастыхтардаң, ӱлгӱдегілердең, пу чир ӱстӱндегі харасхы кӱстернің устағҷыларынаң, чабал хуттардаң тоғыр чааласчабыс.

Еврейлерге 10:39

Піс хыйа айланыбысчатханнар паза ӧлім алчатханнар санынаң нимеспіс. Піс, худыбысты арачылап алар ӱчӱн, пик киртінчебіс.