Матфей 11:21 - Наа Молҷағ

²¹ Хыйал сағаа Хоразин! Хыйал сағаа Вифсаида! Сірерде иділген хайхастар Тирде паза Сидонда, Худайы чохтарның саарларында, иділген ползалар, олар хаҷанох, киден кип-азах кизіп, пастарына кӱл чайып, чазыхтарынаң хыйа полып, Худайзар айланарҷыхтар.

Матфей 11:21 ပူးပေါင်းရင်းမြစ်များ

Матфей 11:22

Че тіпчем сірерге, чарғы кӱнінде Тир паза Сидон саарларға сірердең хай-хай ниик полар.

Матфей 15:21

Иисус, андартын парып, Тир паза Сидон саарларның чирлерінзер чӧрібіскен.

Матфей 18:7

Чир ӱстӱне хыҷаланыстардаң хыйал поладыр; хыҷаланыстар хайди даа килерге киректер, че кемнең пастыра ол хыҷаланыстар килче, ол кізее хыйал.

Матфей 26:24

Итсе-де, Кізі Оолғы Аннаңар Худай Пічиинде пазылған хоостыра ӧл парар, че хыйал Кізі Оолғын сатчатхан кізее! Ол кізее тӧрібеске артых поларҷых.

Марк 3:8

Иерусалимнең, Идумей чирінең паза Иордан суғның озаринаң, Тир, Сидон саарлар ибіре чуртапчатхан кӧп кізі парған, Иисустың иткен киректерін истіп, Аныңзар чон сӱрееліг чыылысхан.

Марк 6:45

Аның соонда Иисус ӱгренҷілерін Позынаң пурун кӧлнің аархы саринзар, Вифсаидазар, ызыбысхан, Позы, тізең, чонны нандырарға тіп, халған.

Марк 7:24

Аннаң парып, Иисус Тир паза Сидон чирлерінзер читкен. Ол, тураа кіргенде, Позын таныбазыннар тіп сағынған, че чазын полбаан.

Марк 7:31

Тир паза Сидон чирлерінең сығып, Иисус, Он саар чирін тобыра пазох Галилей кӧлзер пар сыххан.

Марк 8:22

Олар Вифсаидазар читкеннер. Иисуссар харах чох кізіні чидін килгеннер. Иисусты ағаа холын теертібізерге сурынғаннар.

Лука 4:26

Худай ол ӧкіс ипчілернің пірдеезінзер Илияны ыспаан, че Сидон чиріндегі Сарепта саарда чуртапчатхан ӧкіс ипчізер ле ысхан.

Лука 6:17

Оларнаң хада тағдаң ин киліп, Иисус пір тӱс чирде турыбысхан. Кӧп ӱгренҷілері паза Иудей чирінең, Иерусалимнең, талай хазындағы Тир паза Сидон саарлардаң даа илееде кӧп кізі мында турыбысхан.

Лука 9:10

Илҷілер, айлан киліп, иткен нимелерінеңер Иисусха прай чоохтап пиргеннер. Иисус, оларны Позынаң хада алып, Вифсаида саарның хыриндағы ээн чирзер парыбысхан.

Иоанн 1:44

Филипп тее Андрейнең Пётр харындастар чуртапчатхан Вифсаида саардаң полған.

Иоанн 12:21

Олар, Галилей чиріндегі Вифсаидадаң килген Филиппсер пас киліп, айланғаннар: – Филипп пиг, Иисусты кӧрерібіс килче.

Илҷілернің 12:20

Ирод ханның Тир паза Сидон чуртағҷыларына хылии тутхан. Оларның чирі ас-тамахты Ирод ханның чирінең алҷаң, олар, нинҷе-де кізізі хада чӧптезіп алып, хан ӧргезінің устағҷызын Власты постарының сарина тартып алып, ханзар чаразарға килгеннер.

Илҷілернің 27:3

Пазағы кӱнінде Сидон саарға читкебіс. Юлий Павелге чахсы хылынып, ағаа мындағы арғыстарынзар пар килерге паза оларның полызиинаң тузаланып аларға чаратхан.

Иуданың 1:11

Чобағ оларға тӱссін. Олар Каиннің чолынҷа парчалар нооза. Ахчаох ӱчӱн, Валаам чіли, алҷаас итчелер. Корей чіли удурласчалар, олох чіли, ӧл парарлар.

Азых чоох 11:3

Мин Позымның ікі киречіме кӱс пирербін, олар, хара кӧгенек кизіп, 1260 кӱн ухаанҷылирлар.

Азых чоох 6:12

Хураған алтынҷы таңмазын суурыбысханда, чир ӱстӱнің уғаа тың тітіри тӱскенін кӧр салғам. Кӱн хара кӧгенек чіли харал парыбысхан, ай, тізең, пӱкӱлее, хан чіли, хызыл пол парыбысхан.