Матфей 11:11 - Наа Молҷағ

¹¹ Сынны сірерге чоохтапчам, чир ӱстӱне тӧрееннернің аразында Кіреске тӱзірҷең Иоаннаң улуғ кізі чох полған, че Тигір хан-чирінің иң кічии дее аннаң улуғ.

Матфей 11:11 ပူးပေါင်းရင်းမြစ်များ

Матфей 11:10

Мына піди Иоаннаңар пазылған: «Мына Синің алныңҷа Синің чолыңны тимнир илҷімні ысчам».

Матфей 11:12

Кіреске тӱзірҷең Иоанның кӱннерінең сығара амға теере Тигір хан-чирінең тоғыр чааласчалар. Аны кӱстіглер холға алып аларға харасчалар.

Матфей 3:1

Ол кӱннерде Кіреске тӱзірҷең Иоанн, киліп, Иудей тіп адалчатхан хуу чазыда ӱгреткен. –

Матфей 3:11

Мин сірерні, Худайзар айланып, чазыхтарыңнаң хыйа полғаннарыңны таныхтап, суғда кіреске тӱзірчем, че соомҷа Килчеткені миннең улуғ. Мин Аның ӧдігін дее апарарға турыстығ нимеспін. Ол сірерні Худай Худынаң паза отнаң кіреске тӱзірер.

Матфей 5:19

Аннаңар кем пу чахығларны кӧмес тее сайбабысса паза пасхаларын іди идерге ӱгретсе, ол Тигір хан-чиріндегілернің иң кічиине саналар. Че кем, чахығларны прай толдырып, пасхаларын даа іди идерге ӱгретсе, ол Тигір хан-чиріндегілернің иң улиина саналар.

Лука 1:15

Ол Хан Худайның алнында илбек кізі полар. Ағаа араға ізерге чарабас полар, ол тӧреелеккеӧк Худай Худынаң тол парар.

Лука 7:28

Тіпчем сірерге, пу чир ӱстӱнде тӧреен кізілердең Кіреске тӱзірҷең Иоаннаң улуғ ухаанҷы чоғыл. Че Худай хан-чирінің иң кічии дее аннаң улуғ.

Лука 9:48

оларға піди теен: – Мині аарлап, пу паланы позына чағын кирген кізі Мині дее позына чағын итче. Мині позына чағын иткен кізі Мині ысхан Худайны даа позына чағын итче. Кем сірернің араңарда иң кічіг, ол улии пол парар.

Иоанн 1:15

Иоанн, Сӧстеңер киречілеп, хысхырып ала чоохтаан: – «Минің соомҷа Килчеткені, мин тӧреелеккеӧк пар полғаннаңар, миннең илбек» тіп чоохтаам Пу Кізідеңер.

Иоанн 1:27

Ол минің соомҷа килерге кирек, Ол, мин тӧреелеккеӧк, пар полғаннаңар, Аның маймааның паан даа систерге турыстығ нимеспін.

Иоанн 10:41

Иисуссар кӧп кізі килген. – Иоанн позы пір дее хайхастығ ниме итпеен, че Иисустаңар чоохтаан нимелері сын полтыр, – чоохтасханнар олар.

Иоанн 3:30

Амды Иисусха аннаң андар улуғдаң улуғ полып одырарға кирек, мағаа, тізең, чабыс полып одырарға.

Иоанн 5:35

Иоанн, кӧйіп, чарыпчатхан сівечі осхас полған, сірер аның чариин ӧрчіліг удурлаазар, че ол ӱр нимеске полған.

Иоанн 7:39

Иисус мыны Худай Худынаңар чоохтаан полған. Ол Хутты Иисусха киртінчеткеннер алып алар полғаннар. Ол туста, Иисус сабланғалах полғаннаңар, кізілерде Худай Худы чох полған.

1 Коринфтегілерге 15:9

Мин илҷілернің иң кічиибін, илҷі тіп адаларға даа турыстығ нимеспін. Мин Худай тигірибін сӱргем нооза.

1 Коринфтегілерге 6:4

Сірер чуртаста пол парчатхан киректеріңҷе чарғыласчатсар, тигірибде нимее салылбинчатхан кізілерні ноға чарғыҷаа турғысчазар.

Ефестегілерге 2:3

Алында піс тее оларның санында полғабыс, піс тее прайзыбыс, аймах-пасха чабал нимелерге тартылып, ит-сӧӧгібістің паза кӧңні-сағызыбыстың хынчатхан нимелерін не идіп, пасхалары чіли чуртаабыс. Оларох чіли, тӧрееннең Худайның чабалланғанын кӧрерге салылғабыс.

Ефестегілерге 3:8

Мин ах-арығ кізілерінің аразында иң алтындағызыбын, че чоннарға Христостағы сині чох пайдаңар чоохтаҷаң ӱлӱс мағаа пирілген.

2 Тимофейге 1:10

Ол паарсазы Арачылағҷыбыс Христос Иисус килгенінең киречілелче. Ол ӧлімні чох иткен паза Чахсы Хабар пастыра мӧгі чуртас чарлаан.

Еврейлерге 11:40

Худай піске хайдағ-да артых ниме пӧгін салған. Худай оларны, піс чох иң артығына чидіп албазыннар тіп, іди иткен.

1 Петрның 1:10

Ухаанҷылар, сірерге пирілген паарсастаңар ухааннап, ол арачыланыс хайди поларын матап істескеннер паза сурастырғлааннар.