Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Матфей 10:2 - Наа Молҷағ

2 Мына ол он ікі илҷінің ады: пастағызы Пётр тіп ады-солалығ Симон, анаң аның харындазы Андрей; Зеведейнің ооллары Иаковнаң Иоанн харындастар.

အခန်းကိုကြည့်ပါ။ ကော်ပီ




Матфей 10:2
44 ပူးပေါင်းရင်းမြစ်များ  

Алты кӱн пазынаң Иисус, Пётрны, Иаковты паза аның харындазы Иоанны, позынаң хада алып, пӧзік тағзар апарған. Анда олардаң пасха кізі чох полған.


Соонаң Аныңзар Зеведейнің ипчізі, оолларынаң хада пастыр киліп, мӧкейіп ала пазырып, Иисустаң ниме-де сурынған. –


Анаң, Пётрны паза Зеведейнің ікі оолғын Позынаң хада апарып, илеп-чобал сыххан. –


Пірсінде Иисус, Галилей кӧлі хазынҷа парчадып, ікі харындасты кӧр салған. Пётр тіп ады-солалығ Симон паза аның харындазы Андрей сӧзірбелерін кӧлзер тастапчатханнар. Олар палыхчылар полғаннар.


Аннаң андар парчадып, Иисус Зеведейнің оолларын Иаковнаң Иоанны кӧр салған. Олар, Зеведейнең кимеде одырып, сӧзірбелерін тағырапчатханнар. Иисус Зеведейнің оолларын даа хығырып алған.


Аның соонаң олар, Иаковнаң паза Иоаннаң хада синагогадаң сығып, Симоннаң Андрейнің ибіне килгеннер.


Хаҷан храмнаң тоғыра Елеон тағда одырчатханнарында, тізең, Пётр, Иаков, Иоанн паза Андрей, ағылахти халып, Аннаң сурғаннар: –


Иисустың илҷілері, чӧрген чирлерінең айланып, Аныңзар чыылыс килгеннер. Олар ниме иткеннерін паза хайди ӱгреткеннерін прай Ағаа чоохтағлааннар.


Ана аннаңар Худайның кӱлӱк сағызы піди теен: «Мин оларзар ухаанҷыларны паза илҷілерні ызарбын; олар, тізең, хай піреелерін ӧдіріп, пасхаларын сӱрерлер».


Тузы читкенде, Иисус он ікі илҷізінең хада азыранарға одырған.


Иисус, Пётрнаң Иоанны ызып, теен: – Парып, піске Па́сханың чиизін тимнеп салыңар. –


Симонның хада тоғынчатхан арғыстары – Зеведейнің ооллары Иаковнаң Иоанн – даа ӱрӱк парғаннар. Андада Иисус Симонға теен: – Хорыхпа, мыннаң мындар син пуох оңдайнаң кізілерні тударзың.


Илҷілер, айлан киліп, иткен нимелерінеңер Иисусха прай чоохтап пиргеннер. Иисус, оларны Позынаң хада алып, Вифсаида саарның хыриндағы ээн чирзер парыбысхан.


Пу нимедеңер Филипп, парып, Андрейге чоохтап пирген. Анаң Андрейнең Филипп ол сурынысты Иисусха читіргеннер. –


Иисустың хынчатхан ӱгренҷізі Аннаң хости одырған.


Мария, Симон-Пётрзар паза Иисустың хынҷаң ӱгренҷізінзер чӱгӱр парып, теен: – Хан-пигібістің сӧӧгін хуюдаң кемнер-де апарыбыстырлар, хайдар иткеннерін, тізең, пілбинчебіс.


Симон-Пётр, Ікіс тіп солалығ Фома, Галилей чиріндегі Кана аалдаң Нафанаил, Зеведейнің ікі оолғы паза олардаң пасха Иисустың ікі ӱгренҷізі прайлары хада анда чыылыс парғаннар. –


Пётр, тізең, соонзар айланып, постарының соонҷа Иисустың хынҷаң ӱгренҷізі килчеткенін кӧр салған. Ол хаҷан-да, иирде азыранчадып, Иисусха чағын одырып, «Иисус пиг, Сині кем садыбызар?» тіп сурған полған.


Ана ол ӱгренҷі, прай пу нимелердеңер чоохтап, пу киндені пас салған. Ол чоохтаан нимелернің сын полчатханын піс пілчебіс.


Иисус он ікі ӱгренҷізінең сурған: – Сірер чи Миннең хыйа поларға сағынминчазар ба?


Мин сірерні, он ікі ӱгренҷіні, таллап, алғаам нимес пе зе? Че сірернің пірсі сайтанның нымысчызы, – нандырған Иисус.


Іди Ол Симон Искариоттың Иуда оолғынаңар чоохтаан. Иуда, он ікі ӱгренҷінің пірсі, Иисусты садыбызарға иткен.


Аның ӱгренҷілерінің паза пірсі, Симон-Пётрның Андрей харындазы, Иисусха чоохтаан: –


Пётрнаң Иаков, Иоаннаң Андрей, Филиппнең Фома, Варфоломейнең Матфей, Алфейнің Иаков оолғынаң Симон Зилот паза Иаковтың харындазы Иуда айлан киліп, ӱстӱндегі хадылзар кіріп, анда халғаннар.


Ӱлӱс тастаанда, ӱлӱс Матфийге тӱс парған, андада аны он пір Илҷінің санына хосханнар.


Ол Иоанның харындазын Иаковты хылыснаң ӧдірібіскен.


Пірсінде Пётрнаң Иоанн тоғыс часта, пазырҷаң туста, храмзар парчатханнар.


Анаң Иаков, ідӧк прай илҷілер Аны кӧр салғаннар.


Кем «кізілерге сыйыхтар пирген», Олох піреелерін илҷілер, піреелерін ухаанҷылар, піреелерін Чахсы Хабарның тарадығҷылары, піреелерін киртінчеткеннернің хадарҷылары, піреелерін ӱгретчілер ит салған.


Ах-арығ харындастар, пісті дее Худай тигірзер хығыртхан! Худай пістің киртінізібістің иң улуғ Абызы поларға тіп ысхан Иисустаңар сағынчадыңар.


Мин, Иисус Христостың илҷізі Пётр, сірерге, иблерінең ырах – Понт, Галат, Каппадок, Асий паза Вифиний чирлерінҷе – тарасхлап парып чӧрчеткен, Худайның таллаан кізілеріне, пасчам.


Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.


Мин, Ах сағал, Худай таллап алған Іҷее паза аның палаларына чолабит ысчам. Мин сірерге сыннаң хынчам, мин не нимес, че Сынны пілчеткен прай кізілер сірерге хынчалар.


Мин, Ах сағал, сағаа, аарлығ Гаий, улуғ чолабит ысчам. Син сыннаң минің прай чӱреемнең хынчатхан кізімзің.


Пу – Иисус Христос асхан азых чоох. Аны Худай, тӱрчедең ниме пол парарын Позының нымысчыларына кӧзіт пирзін тіп, Иисус Христосха пирген. Иисус Христос, пу азых чоохты ангелі пастыра Позының нымысчызына, Иоаннға, ызып, кӧзіт пирген.


Мин, Иоанн, сірернің харындазыңарбын, Иисус Христосха киртініп, Худайның ӱлгӱзі алтында, чобағларда паза сыдазығда сірернең хадабын. Худай сӧзінеңер паза Иисус Христостаңар киречілеенім ӱчӱн, Патмос олтырыхта ызығда полғам.


Пу саарның ӧлгеніне ӧрініңер тигірдегілер, Худайның илҷілері, ухаанҷылар! Ол саар сірерге хомай иткен ӱчӱн, Худай ағаа чарғызын читірді!


Мин, Иоанн, мыны кӧргем паза искем. Истіп, кӧріп алып, пу нимені кӧзітчеткен ангелге пазырарға тіп, аның азағына тӱскем.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ