Матфей 10:18 - Наа Молҷағ

¹⁸ Миннең ӱчӱн сірерні пастыхтарзар паза ханнарзар сӧӧртирлер. Сірер оларға паза прай чоннарға Миннеңер киречілирзер.

Матфей 10:18 ပူးပေါင်းရင်းမြစ်များ

Матфей 10:17

Кізілер сірерні чарғаа пир турарлар, синагогаларында сірерні соғарлар, аннаңар олардаң китеніңер.

Матфей 10:19

Чарғы полчатса, хайди паза ниме тирдеңер сағыссырабаңар. Тузы читсе, ниме чоохтиры сірерге пирілер.

Матфей 8:4

Андада Иисус ағаа теен: – Кӧр, пірдеезіне чоохтаба! Абыссар парып, позыңның арығ пол парғаныңны кӧзіт; анаң, имненіп алғаныңны киречілирге тіп, Моисей Чахии хоостыра тайығ сал.

Марк 13:9

Сірер, тізең, китеніңер. Сірерні ах сағалларның чарғызына тартарлар паза синагогаларда соғарлар. Миннең ӱчӱн сірерні хан-пиглернің алнында Миннеңер киречілирге турғызарлар.

2 Тимофейге 1:8

Аннаңар син Хан-пигібістеңер киречілестердең дее, миннең дее, Аның чабығдағы кізізінең, уйатпа. Че миннең хада, Худай пирген кӱзіңе тӧмене, Чахсы Хабарның ӱчӱн иреелестерні алын.

Азых чоох 1:9

Мин, Иоанн, сірернің харындазыңарбын, Иисус Христосха киртініп, Худайның ӱлгӱзі алтында, чобағларда паза сыдазығда сірернең хадабын. Худай сӧзінеңер паза Иисус Христостаңар киречілеенім ӱчӱн, Патмос олтырыхта ызығда полғам.

Азых чоох 11:7

Олар ухаанҷылирын тоос салзалар, тӱбі чох чирдең аң сых килер. Ол пу киречілернең харбазар, анаң оларны чиңіп, ӧдір салар.

Азых чоох 6:9

Хураған пизінҷі таңмазын суурыбысханда, тайығ салҷаң орынның алтында Худай сӧзін киречілееннері ӱчӱн ӧдірткен кізілернің хуттарын кӧр салғам.