Матфей 10:17 - Наа Молҷағ

¹⁷ Кізілер сірерні чарғаа пир турарлар, синагогаларында сірерні соғарлар, аннаңар олардаң китеніңер.

Матфей 10:17 ပူးပေါင်းရင်းမြစ်များ

Матфей 10:18

Миннең ӱчӱн сірерні пастыхтарзар паза ханнарзар сӧӧртирлер. Сірер оларға паза прай чоннарға Миннеңер киречілирзер.

Матфей 20:19

Худайы чохтарның холына, кӱлзіннер, сохсыннар паза кіреске хазазыннар тіп, пирібізерлер. Че ӱзінҷі кӱнінде Ол тіріл килер.

Матфей 23:34

Аннаңар сірерзер ухаанҷыларны, хыйғаларны паза ӱгретчілерні ысчам, че сірер оларның хай піреелерін ӧдір саларзар, піреелерін кіреске хазап саларзар, пасхаларын, тізең, постарыңның синагогаларыңда соғып, саардаң саарға сӱр чӧрерзер.

Матфей 26:59

Улуғ абыстар, ах сағаллар паза прай ӧӧркі чарғы, Иисусты ӧлімге чарғылабызарға тіп, Аннаң тоғыр чой киречілес тілееннер.

Матфей 5:22

Тіпчем сірерге, позының харындазына тиктең чабалланчатхан полған на кізі чарғыладарға кирек. Кем харындазын «нимее чарабаан» тир, ол Ӧӧркі чарғыда чарғыладар. Кем харындазын «алығзың» тир, ол кӧйчеткен кӧлзер тастаттырарға чарғыладар.

Марк 13:12

Харындазы харындазын, пабазы палаларын ӧлімге пирер. Палалары, паба-іҷедең тоғыр кӧдіріліп, ӧлімге пирерлер оларны.

Марк 13:9

Сірер, тізең, китеніңер. Сірерні ах сағалларның чарғызына тартарлар паза синагогаларда соғарлар. Миннең ӱчӱн сірерні хан-пиглернің алнында Миннеңер киречілирге турғызарлар.

Лука 12:11

Сірерні синагогаларзар, пастыхтарзар паза пиглерзер ағыл килзелер, хайди алай ниме нандырарынаңар, алай ниме чоохтанарынаңар сағыссырабаңар.

Иоанн 11:47

Улуғ абыстар паза фарисейлер, чыылығ идіп, чоохтасханнар: – Ниме идееңер? Пу кізі кӧп хайхастар итче.

Иоанн 16:2

Сірерні синагогалардаң сығара сӱрерлер. Сірерні ӧдірчеткен полған на кізі позының киреенең Худайға чахсы итчем тіп сағынар. Андағ тус чағдапча.

Илҷілернің 17:14

Андада киртінісче харындастар Павелні талайзар алдыра парчатхан кізіні чіли ызыбысханнар. Силанаң Тимофей, тізең, анда халғаннар.

Илҷілернің 22:19

«Хан-пигім! Олар чахсы пілчелер, хайди мин Сағаа киртінчеткеннерні, синагогаларда соғып, харибге чапхам.

Илҷілернің 26:11

Мин кӧп хати оларны прай синагогаларҷа иреелеп ала ал чӧріп, Иисусты хырызарға кӱстеҷеңмін, оларға иртіре чабалланҷаңмын, паза оларны пасха даа чирлердегі саарларынҷа сӱр чӧрҷеңмін.

Илҷілернің 9:2

Хан-пигнің ӱгредиинҷе парчатхан кізілерні, ирлерні дее, ипчілерні дее, таап, палғап алып Иерусалимзер апарар ӱчӱн, Дамаск саардағы синагогаларзар чарыдығлығ пічік ызып алған.

Филипптегілерге 3:2

Адай осхастардаң китеніңер, чабал итчеткеннердең китеніңер, сӱннет идерінең китеніңер.

2 Тимофейге 4:15

Син дее аннаң китен – пістің сӧстерібіске ол тың тоғырланған.

Еврейлерге 11:36

Паза пасхаларын, иреелеп, соғып, палғап, харибге одыртчаңнар.