15 Сынны сірерге чоохтапчам, чарғы кӱнінде Содом паза Гоморра саарларға пу саардаң хай-хай ниик полар. –
Тіпчем сірерге, полған на алас-улас сӧс ӱчӱн кізілер чарғы кӱнінде нандырарлар.
Сынны сірерге чоохтапчам, тигірнең чир чіт парбаанда паза прай ниме чох пол парбаанда, Моисей Чахииндағы пір сӧс тее, пір танығ даа чітпес.
Ол кӱнде кӧп кізі Мағаа тир: «Хан-пигім! Хан-пигім! Синің Адыңнаң ухаанҷылаан нимеспіс пе зе? Синің Адыңнаң айналарны сӱрген нимеспіс пе зе? Синің Адыңнаң кӧп хайхастығ нимелер иткен нимеспіс пе зе?»
Пірее чирде сірерні удурлирға алай истерге хынмазалар, ол турадаң сығып, азахтарыңнаң тозынны хахтабыс турыңар. Анзы олардаң тоғыр киречілир. Сынны чоохтапчам сірерге: тӱгенҷі кӱн чарғызында Содом паза Гоморраа пу саардаң хай-хай артых полар.
Мині хыйа итчеткен, сӧзімні чағын итпинчеткен кізее чарғыҷы пар. Минің чоохтаан сӧзім аны тӱгенҷі кӱнде чарғылир.
Мині ысхан Пабамның кӧңні, тізең, мындағ: Аның Мағаа пирген кізілерін, чідірбин, тӱгенҷі кӱнде прай тірілдір саларға.
Мині Ысханның кӧңні мындағ: Худайның Оолғын кӧрчеткен паза Ағаа киртінчеткен полған на кізі мӧгі чуртастығ ползын. Мин дее аны тӱгенҷі кӱнде тірілдір саларбын, – нандырған Иисус.
Худай чир ӱстӱндегі чонның орта чарғызын итчең кӱнні Позы таллап алған Кізізі пастыра адап салған. Анзын Ол, Аны ӧлімнең тірілдіріп, прай кізілерге киречілеен.
прай ниме ілезіне сығар. Чарғы кӱні кӧзідер, от-чалында сығызар, от-чалын полған на кізінің кирее сынында хайдағ полчатханын сынидыр.
Че сірер, харындастар, харасхыда нимессер, аннаңар пу кӱн сірерге, оғыр чіли, кинетін чағдабыспас.
Хай піреелері итчеткен чіли, чыылығларыбысты тастабааңар. Хан-пигібістің килер кӱні чағдапчатханын пілчеткенібісте, кӧңнілерібісті уламох кӧдірізееңер.
Худай ідӧк Содомнаң Гоморра саарларны чох иткен: оларны ойба-кӱлге айландыр салған. Ол оңдайнаң Худай Позын улуғлабинчатхан чонны ниме сағыпчатханын кӧзіткен.
Пу кирек Худайны улуғлапчатхан кізілерні Хан Худай хыҷыхтаныстаң арачылирға пілчеткенін кӧзітче. Ол, хомай кізілерні хатығлап, чарғы кӱніне хайди ағыларын даа пілче.
Хан Худайның чахии хоостыра пӱӱнгі тигірнең чир от-чалыннаң чох иділер ӱчӱн хайраллалча. Ол чарғы кӱнінде, Хан Худайны улуғлабинчатхан кізілерні чох итчең кӱнде, полар.
Чарғы кӱнінде хорыхпас ползыннар тіп, хыныс пісте пӧзиине чит парған. Пістің дее чуртазыбыс пу чир ӱстӱнде Иисусти осхас нооза.
Худай пирген ӱлгӱдең артых ӱлгӱні аларға идіп, Худай кӧзіт пирген орынны тастап парыбысхан ангеллерні сағысха кирібізіңер. Худай оларны, оот полбас кинҷее пиктебізіп, харасхының тӱбіне тастабысхан. Анда олар Улуғ чарғы кӱнін сахтапчалар.
Содомнаң Гоморраны паза оларнаң хости турған саарларны сағысха киріңер. Андағы чуртағҷыларның, пудурғы ангеллерниӧк чіли, оңдайлары ардап парған. Олар чӧреес паза ойнас хылыхтарына салын сыхханнар. Худай, пасхаларына кӧзідім идіп, оларны успас отха тастаан.