Матфей 1:22 - Наа Молҷағ

²² Прай пу ниме, Хан Худайның Позының ухаанҷызы пастыра чоохтааны тол парар ӱчӱн, пол парған:

Матфей 1:22 ပူးပေါင်းရင်းမြစ်များ

Матфей 12:17

Худайның ухаанҷы Исаий пастыра чоохтаан чооғы тол парар ӱчӱн, прай пу ниме иділген:

Матфей 13:21

Аның ӧзені чохтаңар паза пик сағыстығ ниместеңер, сӧс ӱчӱн хыйыхтатсох алай сӱрдір сыхсох, ол сӧстең хыйа полыбысча.

Матфей 13:35

Ухаанҷы пастыра чоохтааны тол парар ӱчӱн, іди полған. Ол піди тіпчедір: «Сірернең кип-чоохтарнаң чоохтазарбын. Тилекей пӱткеннең пеер, полған чазыттығ нимелерні чоохтирбын».

Матфей 2:15

Анда ол Ирод ӱреенҷе полған. Хан Худайның: «Египеттең Оолғымны нандыра хығырдым», – тіп ухаанҷыдаң пастыра чоохтаан сӧстері тол парар ӱчӱн, ол ниме пол парған.

Матфей 2:23

Андар парып, Назарет тіп адалчатхан саарда чуртап сыххан. Хан Худайның ухаанҷылар пастыра: «Иисусты Назорей адап саларлар» тіп чоохтанған сӧстері тол парар ӱчӱн, іди полған.

Матфей 5:17

Мині Моисей Чахиин алай ухаанҷыларның пасханын чох идерге килген тіп, сағынмаңар. Мин оларны чох идерге нимес, че толдырарға килгем.

Матфей 8:17

Ухаанҷы Исаийнің «Ол пістің сағ чохтанғаныбысты паза ағырығларыбысты Позына алып алған» теен сӧстері тол парар ӱчӱн, Иисус іди иткен.

Лука 21:22

Анзы, Худай Пічиинде пазылған нимелернің прайзы тол парар ӱчӱн, хатығлатчаң кӱннер полар.

Лука 24:44

Анаң оларға теен: – Сірернең хада полғанда, чоохтаан сӧстерім мынзын таныхтапча: Моисей Чахиинда, ухаанҷыларның пічіктерінде паза Ырларда Миннеңер пазылған прай нимелер тол парарға киректер.

Иоанн 10:35

Худай Пічиинде пазылғанын, тізең, пірдеезі саба тіп чоохтап полбас. Худай, Позының сӧзін кізілерге ызып, оларны «худайлар» тіп адапчатса, ноға «Худай Оолғыбын» тіп чоохтанчатханыма, «Худайны хомайлапчазың» тіпчезер Мағаа, Кемні Пабам, чарыдып, чир ӱстӱнзер ысхан.

Иоанн 15:25

Оларның Чахиинда «Мині тиктең не хырт кӧрчелер» тіп пазылған сӧстерінің тол парары ӱчӱн, іди пол парарға кирек.

Иоанн 17:12

Мин оларнаң хада чир ӱстӱнде полғанда, оларны, Мағаа пиргеннеріңні, Синің кӱзіңнең хайраллап халғам. Худай Пічиинде пазыл парғаны толзын тіп, Мині садар кізідең – «ӧлімге салылған оолдаң» – пасхазын, пірдеезін чідірбеем.

Иоанн 18:9

«Синің Мағаа пиргеннеріңнің пірдеезін чідірбеем» теен сӧстерінің тол парары кирек полғаннаңар, Иисус іди теен.

Илҷілернің 3:18

Худай, Мессийге ирееленерге килізерінеңер, ухаанҷылары пастыра хаҷанох чарлаан полған, амды, тізең аны, толдыр салған.

Римдегілерге 1:2

Ол Чахсы Хабарны Худай ухаанҷылары пастыра Ызых Пічіктерінде молҷаан.

Азых чоох 17:17

Худай Позының кӧңнін, пір ле кӧңнін толдырар сағысты оларның чӱректеріне салған. Худайның сӧзі толғанҷа, олар ханның ӱлгӱзін аңа пирібізерге кирек полғаннар.