Марк 9:50 - Наа Молҷағ

⁵⁰ Тус – ол чахсы ниме. Че тустың тадии сых парза, аны хатап ачығ хайди идіп алар. Тӧӧле тустығ полыңар. Пос аразында ынағ полыңар.

Марк 9:50 ပူးပေါင်းရင်းမြစ်များ

Матфей 5:13

Сірер – чирнің тузызар. Тустың ачии сых парза, аны ачығ хайди идіп аларзың? Ол, кізілернің азахтары алтына тасталып, типселердең пасха паза пір дее нимее чарабас.

Марк 9:34

Ӱгренҷілері тапсабааннар. Чол парчадып, олар постары аразында кем улии тіп талас парғаннар.

Марк 9:49

Тайыға салылчатханы туснаң тусталғанни, ідӧк полғаны ла чалыннаң арығлалар.

Римдегілерге 12:18

Оңдайларың пар полза, прай кізілернең амыр чуртирға кӱстеніңер.

2 Коринфтегілерге 13:11

Че, харындастар, ӧрініңер, хыйғаларың хозыңар, часхарыныңар, пір сағыстығ, амыр чуртаңар. Андада хыныс паза амыр пирчеткен Худай сірернең хада полар.

Галат чиріндегілерге 5:22

Худай Худы пирчеткен ниме, тізең, мындағ: хыныс, ӧрініс, амыр хоных, тыстаныс, паарсас, айас, киртініс,

Ефестегілерге 4:29

Ахсыңардаң пір дее хомай сӧс сыхпазын. Сірерні исчеткен кізілерге чахсы ползын тіп, киртініске ӱгредерге полысчатхан сӧстерні ле чоохтап турыңар.

Филипптегілерге 1:27

Итсе, Христостың Чахсы Хабарына турыстыра чуртаңар. Мин, киліп, сірерні кӧрзем, алай саңай даа килбезем, сірер пір сағыстығ, пір кӧңніліг полчатханнарыңны, Чахсы Хабардаң килчеткен киртіністің ӱчӱн хада-пірге кӱресчеткеннеріңні истерім килче.

Колоссадағыларға 3:12

Аннаңар, Худайның таллаан чоны чіли, ах-арығлар паза хыныстығлар чіли, килістіре тонаныбызыңар: кізее айаачы, чағбан хылыхтығ, пазымнығ, нымзах, тоозылбас тыстаныстығ пол парыңар.

Колоссадағыларға 4:6

Сурған кізее хайди нандырарын піліңер: сӧстерің паарсастығ паза ӧтіг ползын.

1 Фессалониктегілерге 5:13

Тоғыстары ӱчӱн хынып, аарлааңар оларны. Пос аразында ынағ полыңар.

2 Тимофейге 2:22

Постаң тустың хынығыстарына сабылба. Хан-пигібісті арығ чӱрекнең хығырынчатхан кізілернең хада сынға, киртініске, хынысха, амырға чағын тудынарға кӱстен.

Еврейлерге 12:14

Прайзынаң хада ынағ чуртирға, ах-арығ поларға кӱстеніңер. Іди полбаза, Хан Худайны пірдеезі кӧрбес.

Иаковтың 1:20

Кізі ӧкпезінең Худайның сыны тӧрир чоғыл нооза.

1 Петрның 3:8

Ол оңдайнаң сірер прайларың пір сағыстығ, кізее ачынаачы, харындас-пиҷее хынаачы, паарсах, чалахай, пазымнығ поларға кирексер.