Марк 6:51 - Наа Молҷағ

⁵¹ Анаң кимее одырыбысхан. Чил тохтап чӧрібіскен. Ӱгренҷілері пос алынҷа чапсысханнар паза тың хайхасханнар.

Марк 6:51 ပူးပေါင်းရင်းမြစ်များ

Матфей 8:10

Иисус, аны истіп, таңнап, соонҷа парчатханнарға теен: – Сынны сірерге тіпчем, Мин Израильде дее мындағ киртіністіг кізее тоғаспаам.

Марк 1:27

Прайзы, ӱрӱк парып, удур-тӧдір сурастырысхлааннар: – Ниме полды пу? Чабал хуттарға ӱлгӱ салып, оларны позының оңдайынҷа полдырчатхан кемдір Ол андағ? Хайдағ андағ наа ӱгредіг полар ол?

Марк 2:12

Ол кізі, тур киліп, сах андох тӧзегін алып, прайларының кӧзіне сых парыбысхан. Кізілер, аны кӧріп, чоо хайхазып, Худайны саблааннар. – Піс андағ ниме хаҷан даа кӧрбеен полғабыс, – тіп чоохтасхлааннар.

Марк 4:39

Ол, тур киліп, чилге тохтирға чахаан паза кӧлге: – Амыра, тохтап пар! – теен. Чил амырап парған. Ибіре ай-тымых турыбысхан.

Марк 4:41

Олар, тізең, тың ӱрӱк парып, пос аразында чоохтасханнар: – Чил дее, кӧл дее Аның сӧзін исчеткенде, кем полҷаңдыр ол андағ?

Марк 5:42

Хызыҷах сах андох тур килген, анаң пас чӧр сыххан. Ағаа он ікі час полған. Кӧрген кізілер тың хайхасханнар.

Марк 6:32

Иисус ӱгренҷілерінең хада, кимее постары ла одырып, кізі чох чирге парғаннар.

Марк 7:37

Кізілер, тың хайхазып, чоохтасхлааннар: – Прай нимені чахсы итче: туныхтарын истер иде, тіл чохтарын чоохтазар иде.

Иоанн 6:21

Олар Аны кимезер одыртып аларға иткеннер, че сах андох киме олар чӱс париған чарға чит килген.