46 Чонны позыдыбызып, Иисус тағзар пазырарға парған.
Чонны позыдыбыспинаң, Ол, чалғызан пазырып аларға тіп, тағзар парған. Иирде дее Ол анда чалғызан полған.
Син, тізең, пазырчатсаң, тураңа кіріп, ізииң чаап салып, кӧрінминчеткен, че синнең хада полчатхан Пабаңа пазырып ал. Пабаң, тізең, пілдіртпес иде иткеніңні кӧріп, прайзының кӧзіне сағаа сыйых пирер.
Иисус, иртенӧк турып, ээн чирзер парып, анда ағылахти пазырған.
Иирде киме кӧл ортызына читкен, Ол, тізең, чар хазында чалғызан хала парған.
Олох кӱннерде Иисус пазырарға тағзар сыххан. Хараазын Худайға пазырып иртірген.
Павел, Коринф саарда илееде кӱннер полып алып, харындастарнаң анымҷохтазып, Сирий чирінзер чӱс парыбысхан. Акиланаң Прискилла даа анаң хада парыбысханнар. Павел Кенхрей саарда, Худайға пирген сӧзін толдырарға тіп, састарын хырыхтырыбысхан.
Че Тит харындазымны анда таппин, сағыссырап сыххам. Аннаңар, андағы кізілернең анымҷохтазыбызып, Македон чирінзер парыбысхам.
Худай сірерні іди поларға хығыртхан. Христос сірернің ӱчӱн ирее кӧріп, Позы сірерге кӧзідім полған нооза. Сірер дее Аның чолынҷа парыңар.
