Марк 5:24 - Наа Молҷағ

²⁴ Иисус анынаң хада парған. Оларның сооларынҷа, Аны хызып ала, чон кӧп субалысхан.

Марк 5:24 ပူးပေါင်းရင်းမြစ်များ

Марк 3:20

Иисус ӱгренҷілерінең хада тураа кіргенде, чон пазох ла, Ағаа паза ӱгренҷілеріне азыранарға даа оңдай пирбин, тураа сыыспин чыыл парған.

Марк 5:23

алданып ала сурынған: – Хызыҷаам минің ӧлерге чӧр. Ол, чазылып, тіріг халар ӱчӱн, парып, холларың андар сал пир.

Марк 5:25

Оларның аразында, ханы ағып, он ікі чыл ағыр салған ипчі парған.

Марк 5:31

Ӱгренҷілері Ағаа тееннер: – Кӧрчезің нооза чон Сині хысча, Позың, тізең, «Кем мағаа теңді?» тіп сурчазың.

Лука 11:29

Кізілер кӧптең кӧп чыылыс килгеннерінде, Иисус чоохтап сыххан: – Пу чабал тӧл Миннең танығ сурча, че оларға Иона ухаанҷының таниинаң пасха пір дее танығ пирілбес.

Лука 12:1

Нинҷе-нинҷе муң чон чыылыс киліп, хыстынызып ала, удур-тӧдір ітклесчеткен туста, Иисус ӱгренҷілеріне пастап чоохтанған: – Фарисейлернің ачытхызынаң китеніңер, анзы – чойырхос полча.

Лука 19:3

Иисусты, кем полҷаң тіп, кӧріп аларға иткен, че чабыс сыны ӱчӱн, кізілер кистінең кӧр полбинчатхан.

Лука 7:6

Иисус оларнаң хада парған. Чӱспазының ибіне чидіп одырғанда, ол кізі Иисусха удур арғыстарын піди чоохтирға ысхан: – Хан-пигім, сағыссыраба! Турама кіреріңе мин турыстығ нимеспін,

Лука 8:42

Иаирнің он ікі частығ чалғыс хызыҷаа, тың ағырып, ӱрир пазы чат чатхан. Иисус Иаирнің туразынзар парчатханда, Аннаң ибіре кӧп кізі, ітклезіп ала, хада субалысхан.

Лука 8:45

Кем Мағаа теңді? – сурған Иисус. Теңен кізі табылбаанда, Пётр паза Аннаң хада полған кізілер теенер: – Ӱгретчі, Синнең ибіре кізілер, ітклезіп, парчалар. Син, тізең, кем Мағаа теңді тіп сурчазың. –

Илҷілернің 10:38

Хайди Худай Позының Худын паза кӱзін Назареттегі Иисусха пиргенін, пілчезер. Иисус, тізең, Худай Анынаң хада полғаннаңар, кізілер аразынҷа чӧріп, чахсы нимелер иткен паза сайтанға хаптырғаннарның прайзын имнебіс турған.