Марк 4:19 - Наа Молҷағ

¹⁹ Че кӱн сағыссырастарына пастырғаны, ис-пайға чабдыланғаны, пасха даа хыҷыхтары сӧсті пас парыбысчалар, ол ниміс пирбинче.

Марк 4:19 ပူးပေါင်းရင်းမြစ်များ

Матфей 13:22

Тігенектер аразына тӱскен тамах, тізең, сӧсті исчеткен кізіні таныхтапча. Че ол кізі, чуртасха сағыссырап паза ис-пайға чабыланып, ол сӧсті чабыра пазыбысча. Сӧс, тізең, тузазы чох хала парча.

Матфей 19:23

Иисус, тізең, Позының ӱгренҷілеріне теен: – Сынны сірерге чоохтапчам, пай кізее Тигір хан-чирінзер кірерге сидік.

Матфей 3:10

Ағастар тӧзінде палты чатча. Чахсы чистек пирбинчеткен полған на ағас, кизе сабылып, отха тасталар.

Марк 4:18

Хазалҷых от аразында толаан ӱрен сӧсті исчеткеннерні таныхтапча.

Лука 10:41

Иисус ағаа нандырған: – Марфа! Марфа! Син, кӧп нимедеңер сағыссырап, маң чохтанчазың,

Лука 21:34

Ол кӱн сірер сағыбаанға орта килібіспезін тіп, сиргек тудыныңар, иртіре чырғап, чуртастың оох-теек нимелеріне пастырбаңар.

Иоанн 15:2

Ол Миндегі чистек пирбинчеткен полған на салааны кизібісче, чистек ӧсчеткен полған на салааны, тізең, улам кӧп чистек пирзін тіп, арығлапча.

Римдегілерге 12:2

Пу тилекейнің оңдайынҷа чуртабаңар, че сағыс-кӧгістеріңні нааҷылап, постарыңны алыстырыңар. Андада сірер Худайның кӧңні хайдағ полчатханын сынап аларзар: ниме Ағаа чахсы, чаразых паза кӧңніне толдыра.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

Ефестегілерге 6:12

Піс олаңай кізілердең тоғыр чааласпинчабыс, анзын піліңер. Піс тигірдең тӱскен пастыхтардаң, ӱлгӱдегілердең, пу чир ӱстӱндегі харасхы кӱстернің устағҷыларынаң, чабал хуттардаң тоғыр чааласчабыс.

Филипптегілерге 4:6

Пір дее нимее сағыссырабаңар. Че пазырчатсаңар, сурынчатсаңар, кӧңніңерні алғыстаснаң Худайға ас пир турыңар.

1 Тимофейге 6:17

Пайларны пу тустарда ӱгрет пар: постарын пӧзікке санабазыннар, ізес чох ис-пайларына тың на ізенмезіннер, че піске ӧрінерге прай нимені толдыразынаң пирчеткен сын-тіріг Худайға ізензіннер.

2 Тимофейге 4:10

Димас, пу чуртасха хынығып, мині тастап, Фессалоник саарзар парыбысты, Крискент – Галат чирінзер, Тит – Далмат чирінзер, чалғыс Лука ла миннең хада.

2 Петрның 1:8

Прай пу ниме сірерде пар полза, ол кӧптеліп одырза, сірер Хан-пигібіс Иисус Христосты пілерінде тӱзімніг паза маңнаныстығ поларзар.

Иуданың 1:12

Сірер хада азыранчатхан чыылығларда олар суғ алтындағы хайалар осхас хорғыстығлар. Чоо сабыныбызарға ӱр нимес. Олар чил сӱр чӧрген, наңмырлары чох пулуттарға, кӱскӱде дее чистек пирбинчеткен, чирдең ходырыл парған ағастарға тӧӧйлер – тірілбеске ӧліглер.