Марк 3:29 - Наа Молҷағ

²⁹ че кем Худай Худынаңар хомай чоохтанар, аның пырозы хаҷан даа тасталбас, ол саңайға чарғыладар.

Марк 3:29 ပူးပေါင်းရင်းမြစ်များ

Матфей 25:46

Анаң мыннары тоозылбас хатығ чарғаа ызыларлар, арығ чӱректіг кізілер, тізең, мӧгі чуртассар парарлар.

Матфей 9:3

Аны истіп, Моисей Чахии пілігҷілерінің хай піреезі сағын салған: – Ол Худайның ӱлгӱзіне кірісче!

Марк 12:40

Ӧкіс ипчілерні ӱреге кир салчалар, чон алнында ӱр пазыраачых полчалар. Худай чарғызы оларға артых тӱзер.

Марк 3:30

Анзын Ол, Позына чабал хут кір парған тіп чоохтасчатханнарында, іди теен.

Лука 12:10

Кем Кізі Оолғына тоғыр чоохтанар, аның пырозы тасталар, че кем Худай Худынаңар хомай чоохтанар, анзының пырозы тасталбас.

2 Фессалониктегілерге 1:9

Оларны тоозылбас ӧлімге чарғылирлар паза Хан-пигінең Позынаң, Аның илбек сабланызынаң хыйа идерлер.

Иуданың 1:13

Оларның уйадыстығ киректері, хазыр талай салғағының ӱстӱнде чайхалчатхан кӧбігі чіли, харахха іле кӧрінчелер. Олар орыннарын тастаан чылтыстар. Худай андағ чылтыстарға харасхының тӱбінде хаҷанға даа орын тимнеп салған.

Иуданың 1:7

Содомнаң Гоморраны паза оларнаң хости турған саарларны сағысха киріңер. Андағы чуртағҷыларның, пудурғы ангеллерниӧк чіли, оңдайлары ардап парған. Олар чӧреес паза ойнас хылыхтарына салын сыхханнар. Худай, пасхаларына кӧзідім идіп, оларны успас отха тастаан.