Марк 2:20 - Наа Молҷағ

²⁰ Че хоных хончатхан оолны оларның аразынаң апарыбызар кӱннер килзе, андада олар ораза тударлар.

Марк 2:20 ပူးပေါင်းရင်းမြစ်များ

Матфей 26:31

Анаң Иисус оларға теен: – «Хадарҷыны ӧдірібізербін, андада ӧӧрдегі хойлар пытырас парарлар» тіп Пічікте пазылған. Аннаңар пу хараазын сірер прайзыңар Мині тастап парыбызарзар.

Матфей 9:15

Иисус оларға нандырған: – Ипчі алчатхан оол тойда аалҷыларнаң хада полза, олар мӧңіс поларлар ба за? Че хоных хончатхан оолны оларның аразынаң апарыбызар кӱннер килзе, андада олар ораза тударлар.

Марк 2:19

Андада Иисус оларға нандырған: – Той полчатса, хоных хончатхан оол аалҷыларнаң хадада, олар хайди ораза тудып одырарлар? Ол хада полған кӱннерде ораза тутпастар.

Марк 2:21

Иргі кип-азахха наа истең намачы пірдеезі салбинча. Іди тағыраза, наа намачы иргі исті тали тарт салар, тизік улам улуғ пол парар.

Лука 17:22

Ідӧк Ол ӱгренҷілеріне теен: – Килер андағ тус, хаҷан сірер Кізі Оолғының пірее кӱнін кӧріп аларға сағынарзар, че кӧр полбассар.

Лука 5:35

Че хоных хончатхан оолны оларның аразынаң апарыбызар кӱннер килзе, ана андада, ол кӱннерде, олар ораза тударлар.

Иоанн 12:8

Чох кізілер сірернің хыриңарда хаҷан даа поларлар. Че Мин сірернең хада хаҷандаа полбаспын.

Иоанн 13:33

Харындастарым! Мағаа сірернең хада поларға ӱр халбады. Сірер Мині тілирзер, че иудейлерге чоохтаан нимені сірерге дее чоохтап пирим: «Мин парчатхан чирзер сірер чит полбассар».

Иоанн 16:28

Мин, Пабамнаң сығып, чир ӱстӱнзер килгем. Амды пазох, чир ӱстӱн халғызып, Пабамзар парчам.

Иоанн 16:7

Че Мин сынны сірерге чоохтапчам, Минің парчатханым, сірерге чахсаа полар. Мин парбазам, тізең, Турысчы сірерзер килбес. Мин, парып, Аны сірерзер ызарбын.

Иоанн 17:11

Мин амды чир-чалбахта нимеспін, че олар чир-чалбахталар. Мин, тізең, Синзер парчам. Ах-арығ Пабам! Пізӧк чіли, пір кізі осхас ползыннар тіп, Позыңның кӱзіңнең Мағаа пирген кізілерні хайраллап хал.

Иоанн 17:13

Амды Мин Синзер парчам. Олар даа ӧрінізімні Миннең ӱлессіннер тіп, сағам Позым чир ӱстӱндеде мыны чоохтапчам.

Иоанн 3:29

Хоных хончатхан оол тойның ӧӧн кізізі полча, арғызы, тізең, хости турып, аны исчеткеніне ӧрінче. Мин дее іди ӧрінчем.

Илҷілернің 1:9

Іди чоохтанып, Иисус оларныңох кӧзіне тигірзер кӧдіріле халған, пулут, тізең, Аны оларға кӧрінмес иде чабысхан.

Илҷілернің 14:23

Илҷілер полған на тигірибнің пазында ах сағалларны турғыс салғаннар паза, ораза тудып, пазырғаннар. Анзын олар киртін сыххан Хан Худайның холына пиргеннер.

Илҷілернің 3:21

Худайның хас-хаҷанох чуртаан ах-арығ ухаанҷылары пастыра искірген нимелерінің прайзы тол парар тусха теере, Иисус тигірде поларға кирек.

1 Коринфтегілерге 7:5

Чара хонмаңар. Хада чоохтас салза ла, пазырарға алай ораза тударға итчетсеңер, чара поларға чарир. Соонаң, сайтан сірерні пос салынарға кӧктірбес ӱчӱн, пазох хада хончадыңар.

2 Коринфтегілерге 11:2

Мин сірерні Худайның кӱннезінең кӱннепчем. Мин сірерні пір ирге сӧлеп салғам. Ам арығ чӱректіг хысты Христосха пирібізерге итчем.

2 Коринфтегілерге 11:27

Мин ӱзе тоғынҷаңмын, узубин даа, астап-сухсап таа чӧрҷеңмін, ораза тутчаңмын, соохха тооп, кисчең кибім чох ирееленҷеңмін.

2 Коринфтегілерге 6:5

Пісті сохханнар, пиктегде тутханнар, ӧмелееннер. Піс ӱзе тоғынғабыс, уйғу-чадын пілбин, чиис чох чуртаабыс.

Азых чоох 19:7

Хурағанның тойы чит килгеннеңер, ӧрінееңер паза кӧглееңер! Аны сабландырааңар! Аның алчатхан хызы чазан салды.

Азых чоох 21:9

Халғанҷы читі чобағның читі айағын тутчатхан читі ангелнің пірсі, минзер пас киліп, теен: – Парааң, мин сағаа Хурағанның алчатхан хызын кӧзіт пирербін.